بلاول بھٹو نے کہا ہے کہ غربت کے خاتمے کیلئے بینظیر انکم سپورٹ پروگرام مؤثر کردار ادا کر رہا ہے۔
تفصیلات کے مطابق چیئرمین پیپلزپارٹی وزیر خارجہ بلاول بھٹو زرداری سے وزیراعظم کے معاون خصوصی اور سیکریٹری اطلاعات پاکستان پیپلزپارٹی فیصل کریم کنڈی کی ملاقات ہوئی ہے۔
ملاقات میں معاون خصوصی فیصل کریم کنڈی نے بینظیر انکم سپورٹ پروگرام کے حوالے سے بلاول بھٹو زرداری کو بریفنگ دی۔
بلاول بھٹو زرداری نے کہا کہ ملک بھر میں غریب اور مستحق خواتین کی امداد کے لئے بینظیر انکم سپورٹ پروگرام کو مزید متحرک کریں۔
چیئرمین پیپلزپارٹی وزیر خارجہ بلاول بھٹو زرداری نے مزید کہا کہ غربت کے خاتمے کے لئے بینظیر انکم سپورٹ پروگرام موثر کردار ادا کر رہا ہے، بی آئی ایس پی کے تمام شعبوں کو متحرک کیا جائے۔
رکن قومی اسمبلی حسن طارق، ندیم افضل چن اور آصف بشیر بھاگت بھی بریفنگ کے دوران موجود تھے۔
دوسری جانب پیپلزپارٹی کے چیئرمین اور وزیرخارجہ بلاول بھٹو زرداری سے سندھ کے گورنر کامران ٹیسوری نے بھی ملاقات کی۔
ملاقات میں صوبہ سندھ کے مختلف معاملات پر بات چیت کی گئی جبکہ ملاقات میں دونوں رہنمائوں نے صوبہ سندھ کی بہتری کے لئے مل کر کام کرنے پر اتفاق کیا گیا۔
بلاول بھٹو زرداری سے گورنر سندھ کامران ٹیسوری کی ہونے والی ملاقات میں صوبائی وزیر سعید غنی بھی موجود تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News