ترجمان وزیر اعلیٰ و حکومت پنجاب مسرت جمشید چیمہ اور لاہور سے تعلق رکھنے والے پارٹی رہنماؤں کی چیئرمین پی ٹی آئی عمران خان سے ملاقات ہوئی ہے۔
ملاقات کے بعد ترجمان وزیر اعلیٰ و حکومت پنجاب مسرت جمشید چیمہ نے اپنے ایک بیان میں کہا کہ چیئرمین پی ٹی آئی عمران خان سے 26 سال سے تحریک انصاف سے وابستہ سینئر پارٹی کارکنان نے ملاقات کی، چیئرمین عمران خان نے انتہائی خوشگوار ماحول میں سینئر کارکنان سے گپ شپ کی۔
انہوں نے کہا کہ عمران خان نے سینئر کارکنان کی پارٹی سے وفاداری کو سراہا جبکہ ملاقات میں تحریک انصاف کے آئندہ کے لائحہ عمل پر گفتگو کی گئی۔
مسرت جمشید چیمہ نے مزید کہا کہ عمران خان نے پارٹی کے قیام کی یادوں کو تازا کیا، پارٹی سے مخلص سینئر پارٹی کارکنان ہی تحریک انصاف کا اصل سرمایہ ہیں۔
ڈاکٹر شاہد، افتخار الہیٰ، یاسر گیلانی، لالہ اشتیاق، علی امتیاز وڑائچ، عبدالکریم کلواڑ، عرفان ایڈووکیٹ اور شبیر سیال ملاقات کرنے والے کارکنان میں شامل تھے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News