علی امین گنڈاپور نے کہا ہے کہ لانگ مارچ میں عوام کی بڑی تعداد دیکھ کر دھوکے بازوں کی کانپیں ٹانگ رہی ہیں۔
تفصیلات کے مطابق فضل الرحمان کی گفتگو پر پاکستان تحریک انصاف کے رہنما علی امین گنڈاپور نے ردعمل دیتے ہوئے کہا کہ فسادی و فسطائی مولوی نے قاتلانہ حملے میں عمران خان کے زخموں کے حوالے سے جو گھٹیا گفتگو کی وہ اسکی گندی ذہنیت کی عکاس ہے۔
انہوں نے کہا کہ فضل الرحمان کی ساری کی ساری سیاست ایک ڈھونگ اور گھٹیا پن کے سوا کچھ بھی نہیں ہے، دین فروش مولوی نے مذہب کا لبادہ اوڑھ کر ہمیشہ معصوم لوگوں کو گمراہ کیا،اسلام کو اپنی گندی سیاست کے لئے استعمال کیا۔
ان کا کہنا تھا کہ ڈیزل کے پرمٹ پر بکنے والے کے منہ سے اخلاقیات اور ملک کی سلامتی کی باتیں اچھی نہیں لگتیں، جعلی مولوی کا نہ کوئی نظریہ ہے نہ ہی اسے ملک سے کوئی دلچسپی یہ صرف اقتدار کا بھوکا ہے
علی امین گنڈاپور کا یہ بھی کہنا تھا کہ عمران خان گولیاں کھا کر بھی اپنی عوام میں موجود ملک کے غداروں کو للکار رہا ہے، چوروں کا ٹولہ پہلے اداروں کی عزتیں اچھالتا رہا اور اب عوامی احتساب اور چوری بچانے کی خاطر انہی کی آڑ لیے ہوئے ہے۔
انہوں نے کہا کہ پوری قوم عمران خان کی دلیری کو سلام پیش کر رہی ہے،اور چوروں بدمعاشوں کو لعن طعن کر رہی ہے، جعلی مولوی شکست خردہ ہے،صدر پاکستان بننے کا خواب چکناچور ہونے کے بعد اسکی چیخ و پکار دیدنی ہے۔
علی امین گنڈاپور نے یہ بھی کہا کہ یہ مولوی اور اسکی جماعت سیاست سے آوٹ ہو چکے،عمران خان کا مقابلہ انکے بس کی بات نہیں، فضل الرحمان امریکہ کے ترلے کر کے اقتدار حاصل کرنا چاہتا تھا،قوم اب اس جیسے بکاؤ سیاستدانوں کا محاسبہ کر چکی ہے
ان کا کہنا تھا کہ پی ڈی ایم کا مقصد ہی ڈرامے کر کے اپنی اپنی چوری کو تحفظ فراہم کرنا ہے، منگل سے عمران خان کا قافلہ دوبارہ شروع ہو رہا ہے،بزدلوں میں ہمت ہے تو روک لیں۔
علی امین گنڈاپور کا یہ بھی کہنا تھا کہ چوروں اور مکاروں کا ایجنڈا ہے کہ اتنا جھوٹ بولا جائے کہ سچ دھندلا جائے، سائفر ایک حقیقت ہے اسکو کرائم منسٹر شہباز شریف قومی سلامتی کمیٹی میں خود تسلیم کر چکا ہے۔
پی ٹی آئی کے رہنما نے کہا کہ لانگ مارچ پر بزدلانہ کارروائیاں کروانے والے جانتے ہیں کہ عوام کا راستہ نہیں روکا جا سکتا، چوروں، مکاروں ، سازشیوں اور ظالموں کا قلع قمع عوامی انقلاب سے ہو کر رہے گا وقت قریب ہے۔
انہوں نے یہ بھی کہا کہ لانگ مارچ میں عوام کی بڑی تعداد میں شرکت دیکھ کر دھوکے بازوں اور سازشیوں کی کانپیں ٹانگ رہی ہیں، فضل الرحمان زہریلے پراپیگنڈے پر مبنی گفتگو کر کے تخریب کاری کرنا چاہتا ہے،انشااللہ یہاں بھی یہ ناکام اور مسترد ہوگا۔
پی ٹی آئی کے رہنما علی امین گنڈاپور نے مزید کہا کہ عمران خان نے کرپشن کی نہ کبھی ترغیب دی،انھوں نے ہمیشہ عوامی مفاد کی بات کی، حقیقی آزادی مارچ میں عوام کا سمندر ان ڈاکوؤں کو بہا کر لے جائے گا اور ملک کا حقیقیی تشخص بحال ہو جائے گا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News