صدر مملکت ڈاکٹر عارف علوی اور وزیراعظم شہباز شریف سمیت مختلف سیاسی رہنماؤں نے ترکیہ دھماکے کی شدید مذمت کی ہے۔

تفصیلات کے مطابق ترکیہ کے دارالحکومت استنبول میں دھماکہ ہوا ہے جس کی کافی سیاسی رہنماوں نے مذمت کی ہے۔

صدر مملکت ڈاکٹر عارف علوی

صدر مملکت ڈاکٹر عارف علوی نے استنبول، ترکیہ کی استقلال اسٹریٹ میں دھماکے کی شدید مذمت کرتے ہوئے کہا کہ دہشت گردی تمام دُنیا کا مشترکہ مسئلہ ہے، ترکیہ کی حکومت اور عوام کے ساتھ دہشت گردی کے اِس واقعے کے خلاف کھڑے ہیں۔

عارف علوی نے کہا کہ زخمی افراد کی جلد صحتیابی کیلئے دعاگو ہوں، دکھ کی اِس گھڑی میں ترکیہ کی عوام کے ساتھ ہیں۔

وزیر اعظم شہباز شریف

استنبول کے قلب میں مشہور استقلال ایونیو میں ہونے والے دھماکے کی مذمت کرتے ہوئے شہباز شریف نے کہا کہ قیمتی انسانی جانوں کے ضیاع پر بےحد افسوس ہے، واقعے میں زخمی ہونے والوں کی جلد صحت یابی کے لئے دعاگو ہیں۔

شہباز شریف نے کہا کہ پاکستان ترک عوام اور حکومت سے مکمل یکجہتی کا اظہار کرتا ہے۔

I have learnt with deep anguish about the explosion at popular Istiklal avenue in the heart of Istanbul. Govt & people of Pakistan express deepest condolences to the brotherly people of Turkiye at the loss of precious lives & send prayers for the speedy recovery of the injured.

— Shehbaz Sharif (@CMShehbaz) November 13, 2022

وزیر خارجہ بلاول بھٹو

چیئرمین پیپلز پارٹی وزیر خارجہ بلاول بھٹو زرداری نے استنبول دھماکے کی مذمت کرتے ہوئے اپنے ٹوئٹ میں کہا کہ استنبول کے مشہور تکسم اسکوائر میں ہونے والے دھماکے میں قیمتی جانی نقصان پر گہرا دکھ ہے۔

بلاول بھٹو نے کہا کہ دکھ کی اس گھڑی میں ہم اپنے ترک بھائیوں کے ساتھ ہیں اور دھماکے میں جانبحق ترکیہ کے افراد کے خاندانوں کے ساتھ تعزیت کرتے ہیں۔

Deeply saddened at precious loss of life in explosion at the iconic Taksim square in Istanbul, today. We stand in complete solidarity with our Turkish brethren in this hour of grief and offer our sincerest condolences to the bereaved families & brotherly people of Turkiye

Advertisement

— BilawalBhuttoZardari (@BBhuttoZardari) November 13, 2022

وفاقی وزیر داخلہ رانا ثنا اللہ

وفاقی وزیر داخلہ نے استنبول میں دھماکے کی شدید الفاظ میں مذمت کرتے ہوئے کہا کہ اس افسوسناک واقعے میں ترکیہ کی حکومت، عوام اور سوگوار خاندانوں کے ساتھ کھڑے ہیں۔

رانا ثنا اللہ نے کہا کہ دعا گو ہیں کہ اللّٰہ تعالی شہید ہونے والوں کے درجات بلند کرے اور اُنکے لواحقین کو صبر جمیل عطا کرے۔

واضح رہے کہ عرب میڈیا کی رپورٹ کے مطابق ترکیہ کے دارالحکومت استنبول میں دھماکہ ہوا ہے کہ جس کے نتیجے میں 5 افراد ہلاک ہو گئے ہیں۔

استنبول (#İstanbul) 🇹🇷 میں دھماکے کی شدید مذمت کرتے ہیں، اس افسوسناک واقعےمیں ترکیہ کی حکومت، عوام اور سوگوار خاندانوں کے ساتھ کھڑے ہیں۔ دعا گو ہیں اللّٰہ تعالی شہید ہونے والوں کے درجات بلند کرے؛ اُنکے لواحقین کو صبر جمیل عطا کرے۔

— Rana SanaUllah Khan (@RanaSanaullahPK) November 13, 2022