فواد چوہدری نے کہا ہے کہ آج کا دن پاکستان کی سیاسی و سماجی تاریخ کا سیاہ ترین دن ہے۔
تفصیلات کے مطابق مرکزی سینئر نائب صدر پاکستان تحریک انصاف فواد چوہدری نے شہباز شریف کی پریس کانفرنس پر ردعمل دیتے ہوئے کہا کہ آج ایک مرتبہ پھر ثابت ہوا کہ سیاست کے لبادے میں مجرموں کا گروہ ملکی سیاست و اقتدار پر قابض ہے۔
انہوں نے کہا کہ بےشرم سرکار کے کٹھ پتلی سربراہ نے جو بیانیہ آج پیش کرنے کی کوشش کی اسے قوم پہلے ہی ردی کی ٹوکری میں ڈال چکی ہے۔
ان کا کہنا تھا کہ آج کا دن پاکستان کی سیاسی و سماجی تاریخ کا سیاہ ترین دن ہے۔
فواد چوہدری نے کہا کہ منی لانڈرنگ، ضمیرفروشی اور سازش و شرانگیزی جیسے جرائم میں ملوث شخص وزیراعظم کے منصب کی توقیر خاک میں ملا رہا ہے۔
انہوں نے کہا کہ ملک میں انسانی حقوق کی پامالی کی سیاہ تاریخ رقم ہورہی ہے جبکہ مجرموں کا ٹولہ خرافات کی تشہیر میں مصروف ہے۔
ان کا کہنا تھا کہ وزیر وعظم کو منصب پر بیٹھ کر ملک میں انتشار و تقسیم کو ہوا دینے کی مزید اجازت قوم نہیں دے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News