مولانا فضل الرحمان نے کہا ہے کہ ملک کو درپیش چینلنجز سے نمٹنے کیلئے مل بیٹھنے کی ضرورت ہے۔
تفصیلات کے مطابق پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے میڈیا سے گفتگو کرتے ہوئے کہا کہ جس فتنے کو ہم نے اقتدار سے نکالا اس نے ملک کی معیشت کو تباہ کیا۔
انہوں نے کہا کہ ہم سب مل کر ملکی معیشت کو بہتر بنانے کی کوشش کررہے ہیں لیکن وہ فتنہ ملک کو دوبارہ تباہی کی جانب لے جانا چاہتا ہے۔
پی ڈی ایم کے سربراہ کا کہنا تھا کہ سابقہ حکومت نے ملکی معیشت کی ریڑھ کی ہڈی توڑ دی تھی۔
مولانا فضل الرحمان کا یہ بھی کہنا تھا کہ چین سے معاملات بہتر ہورہے ہیں، ملک کو درپیش چینلنجز سے نمٹنے کیلئے مل بیٹھنے کی ضرورت ہے۔
انہوں نے کہا کہ لندن میں ایک شخص نے ن لیگ قیادت پرجو الزامات لگائے ہیں اس کی تحقیق کی جائے، ملک میں ادارے موجود ہیں انہیں الزامات کی تحقیق کرنی چاہیے۔
مولانا فضل الرحمان نے یہ بھی کہا کہ ملک میں ایک فتنہ ہے جو گندی سیاست کررہا ہے، سیاسی اختلاف کا ہر کسی کو حق ہے لیکن ذاتی معاملات تک نہیں جانا چاہیے۔
پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے مزید کہا کہ ڈالر کو کنٹرول کررہے ہیں، تیل کی قیمتیں بھی مستحکم ہیں جبکہ اسٹیٹ بینک کے ریزرو میں بھی اضافہ ہوا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News