وزیر مملکت برائے پیٹرولیم مصدق ملک نے کہا ہے کہ حکومت توانائی کے شعبے کی بہتری کے لیے بھرپور کوشش کر رہی ہے تاکہ لوگوں کو سستی اور پائیدار توانائی فراہم کی جا سکے۔
تفصیلات کے مطابق وزیر مملکت پیٹرولیم مصدق ملک نے تقریب سے خطاب کرتے ہوئے کہا کہ ہم زرعی شعبے کو استحکام کی طرف بڑھنے کے لیے حوصلہ افزائی کریں گے۔ انہوں نے کہا کہ ہمارا پاکستان کا وژن لوگوں کی نقل و حرکت کو متحرک کرنا ہے۔
انہوں نے کہا کہ غریب لوگوں تک انرجی کی فراہمی ہماری پہلی ترجیج ہے کیونکہ بالا طبقے کو سبسڈی دینا معاشی ترقی نہیں ہے ۔
انہوں نے مزید کہا کہ اس وقت سب سے بڑا معاملہ گیس کی فراہمی ہے کیونکہطلب اور رسد میں بہت بڑا فرق آگیا ہے اور دوسرا بڑا معاملہ قیمتوں میں اضافہ ہے کہ غریب لوگ بڑھتے ٹیرف کو برداشت نہیں کر سکتے جس کی وجہ سے مالی استحکام بھی بڑا چیلنج ہے۔
وفاقی وزیر نے بتایا کہ اس وقت پچاس فیصد پیٹرولیم مصنوعات درآمد کرنا پڑتا ہے اور پانچ سال بعد ہمیں باہر سے ستر فیصد گیس منگوانی پڑے گی ۔
ان کا کہنا تھا کہ آبادی بڑھ رہی ہے جس کی وجہ سے انرجی کا استعمال بڑھ رہا ہے تو ٓبادی کے تناسب سے توانائی کے ذرائع بڑھانا ہونگے ۔
انہوں نے بتایا کہ ایسی صورتحال میں ایل این جی کی درآمد اچھا آپشن ہے مگر جب عالمی سطح پر قیمتیں بڑھتی ہیں تو پاکستانی صارفین پر بوجھ پڑتا ہے جس کی وجہ سے تین سو یونٹس والوں کو آٹھ ہزار بجلی کا بل آرہا ہے اور دو سو یونٹس والے صارفین کا بل پانچ ہزار روپے تک پہنچ جاتا ہے
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News