سابق وزیر داخلہ شیخ رشید کیخلاف مسجد نبویﷺ واقعہ پر اٹک میں درج ایف آئی آر خارج کرنے کی درخواست پر ہائیکورٹ راولپنڈی بینچ میں سماعت 16 نومبر تک ملتوی کردی گئی۔
شیخ رشید اپنے وکیل سردار عبدالرازق کے ہمراہ جسٹس چوہدری عبدالعزیز کی عدالت میں پیش ہوئے اس موقع پر اسٹنٹ ایڈووکیٹ جنرل پنجاب زاہد انور اور مدعی مقدمہ بھی عدالت میں موجود تھے۔
دوران سماعت عدالت نے استفسار کیا کہ مسجد نبویﷺ واقعہ کیخلاف درج ایف آئی آر کے دیگر ملزمان کے خلاف ابتک کیا کاروائی کی گئی؟ جس پر تفتیشی افسر نے عدالت کو بتایا کہ ان میں سے کچھ لوگ ملک سے باہر ہیں۔
عدالت نے پوچھا کہ ان کیخلاف کاروائی کیلئے آپ کیا کر رہے ہیں ان کے وارنٹ و اشتہار جاری کرائیں۔اسسٹنٹ ایڈوکیٹ جنرل پنجاب زاہد انور نے عدالت کو بتایا کہ شیخ رشید کا اس واقعہ سے کوئی تعلق نہیں ہے ان کی ٹریول ہسٹری کے مطابق یہ اس وقت پاکستان میں ہی تھے۔
جس پر عدالت نے کہا کہ اس پر نہیں جارہا کہ بندہ پاکستان میں ہے یا نہیں۔ تفتیشی افسر ایک ہفتہ کے اندر مسجد نبویﷺ واقعہ سے متعلق فوٹیج میں نظر آنے والے تمام افراد کا ریکارڈ آئندہ سماعت پر پیش کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News