وفاقی وزیر برائے منصوبہ بندی و ترقی پروفیسر احسن اقبال نے کہا ہے کہ سی پیک منصوبہ حکومت کی اولین ترجیح ہے۔
تفصیلات کے مطابق وفاقی وزیر برائے منصوبہ بندی و ترقی پروفیسر احسن اقبال سے چینی سفیر نونگ رانگ کی ملاقات ہوئی ہے جس میں سی پیک منصوبوں پر بات چیت کی گئی ہے۔
ملاقات میں احسن اقبال نے کہا کہ پاکستان کی بھرپور مدد کرنے کے عزم پر صدر شی جن پنگ کا شکریہ ادا کرتے ہیں۔
انہوں نے کہا کہ سی پیک منصوبہ حکومت کی اولین ترجیح ہے، ایم ایل ون ریلوے منصوبہ سی پیک کا فلیگ شپ پروجیکٹ ہے۔
اس موقع پر وفاقی وزیر برائے منصوبہ بندی و ترقی نے ایم ایل ون منصوبے کے لئے چین کی طرف سے کمپنیاں جلد نامزد کرنے پہ زور دیا۔
انہوں نے کہا کہ گوادر بندرگاہ میں سیاحت کے انفراسٹکچر کی تعمیر حکومت کی ترجیح ہے جبکہ گوادر کے عوام کو بجلی کی فراہمی کے ٹرانسمیشن لائین پر زور و شور سے کام ہو رہا ہے۔
ان کا کہنا تھا کہ پاکستان کی چین کو برآمدات بڑھانے کے لئے چین کی پیشکش کا خیر مقدم کرتے ہیں۔
وفاقی وزیر برائے منصوبہ بندی و ترقی پروفیسر احسن اقبال نے مزید کہا کہ سی پیک خطے میں خوشحالی کا ضامن ہے۔
اس موقع پر چین اور پاکستان بزنس کے مابین بزنس ٹو بزنس تعاون کو فرو غ دینے پر اتفاق بھی کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News