صدر مملکت ڈاکٹر عارف علوی اور وزیر اعظم شہباز شریف نے ممتاز عالم دین اور دارالعلوم کراچی کے صدر مفتی رفیع عثمانی کے انتقال پر گہرے دکھ کا اظہار کیا ہے۔

صدر مملکت کا تعزیتی پیغام:

صدر مملکت ڈاکٹر عارف علوی نے معروف عالم دین اور صدر جامعہ دار العلوم کراچی مفتی رفیع عثمانی کے انتقال پر افسوس کا  اظہار کیا ہے۔

انہوں نے کہا کہ مفتی رفیع عثمانی نے فقہ، حدیث اور تفسیر کے شعبے میں گراں قدر خدمات انجام دیں ہیں ، ان ی دینی اور علمی خدمات، دینی علم کے فروغ میں خدمات کو یاد رکھا جائے گا۔

Advertisement

صدر مملکت ڈاکٹر عارف علوی کا معروف عالم دین اور صدر جامعہ دار العلوم کراچی مفتی رفیع عثمانی کے انتقال پر اظہار افسوس

صدر مملکت کا مفتی رفیع عثمانی کی وفات پر گہرے رنج و غم کا اظہار

صدر مملکت کا مرحوم کی دینی اور علمی خدمات کو خراج عقیدت

— The President of Pakistan (@PresOfPakistan) November 18, 2022

صدر مملکت نے مرحوم کیلئے دعائے مغفرت، ورثاء سے تعزیت کا اظہار کرتے ہوئے مرحوم کیلئے بلندی درجات، لواحقین کیلئے صبر جمیل کی دعا بھی کی ہے۔

وزیراعظم کا تعزیتی پیغام:

وزیرعظم نے اپنے جاری کردہ پیغام میں کہا کہ مفتی رفیع عثمانی صاحب کا شمار عالم اسلام کے جید علماء اور محققین میں ہوتا تھا، انہوں نے اپنے علم کی روشنی سے ایک عالم کو منور کیا۔

مفتی رفیع عثمانی صاحب کا شمار عالم اسلام کے جید علماء اور محققین میں ہوتا تھا۔ انہوں نے اپنے علم کی روشنی سے ایک عالم کو منور کیا۔ ان کی وفات پاکستان اور عالم اسلام کے لئے ایک بہت بڑا سانحہ ہے۔ اللہ تعالی ان کو اپنے جوار رحمت میں جگہ دے۔ آمین

— Shehbaz Sharif (@CMShehbaz) November 19, 2022

انہوں نے مزید کہا کہ مفتی رفیع عثمانی صاحب کی وفات پاکستان اور عالم اسلام کے لئے ایک بہت بڑا سانحہ ہے، اللہ تعالی ان کو اپنے جوار رحمت میں جگہ دے۔

اپنے الگ الگ تعزیتی پیغامات میں انہوں نے مرحومہ کے درجات کی بلندی اور سوگوار خاندان کے لیے یہ ناقابل تلافی نقصان برداشت کرنے کی دعا کی۔

انہوں نے رفیع عثمانی مرحوم کی اسلام اور پاکستان کے لیے خدمات کو بھی خراج تحسین پیش کیا۔

وزیر داخلہ رانا ثناء اللہ اور وزیر اطلاعات و نشریات مریم اورنگزیب نے بھی مفتی رفیع عثمانی کے انتقال پر گہرے دکھ کا اظہار کیا ہے اور مرحومہ کے درجات کی بلندی کے لیے دعا کی ہے۔