عمران خان جیل سے نہیں ڈرتا، اسد عمر

ویب ڈیسک

18th Nov, 2022. 10:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان جیل سے نہیں ڈرتا، اسد عمر

اسد عمر نے کہا ہے کہ عمران خان جیل سے نہیں ڈرتا۔

تفصیلات کے مطابق پاکستان تحریک انصاف کے مرکزی جنرل سیکرٹری اسد عمر نے اپنے ایک بیان میں کہا کہ ہم عوام میں سے ہیں، ہمیں عوام سے کوئی خطرہ نہیں ، راولپنڈی میں تاریخی اجتماع ہونے جارہا ہے۔

انہوں نے کہا کہ یہ دھرتی غازیوں اور شہیدوں کی دھرتی ہے، اس دھرتی نے وہ بیٹے پیدا کیےجس نے ہمیشہ ملک کادفاع کیا۔

پاکستان تحریک انصاف کے رہنما نے یہ بھی کہا کہ ڈھائی سال سے بھگوڑا باہر ملک بیٹھا ہوا ہے، انتشار سے نکلنےکا واحد حل ہےکہ انتخابات کراؤ۔

اسد عمر کا کہنا تھا کہ یہ لوگ بیرونی آقاؤں کے سامنے اپنا سرجھکاتے ہیں، نوازشریف پہلے جعلی رپورٹس اور مسکین شکل لیکر بیٹھا۔

ان کا یہ بھی کہنا تھا کہ باہر بیٹھے بھگوڑے کے بھائی کی 7 ماہ سے حکومت ہے اور وہ بزدل بھگوڑا لندن بیٹھا ہے ڈر کر پاکستان نہیں آرہا۔

پاکستان تحریک انصاف کے رہنما اسد عمر کا مزید کہنا تھا کہ عمران خان جیل سے نہیں ڈرتا، کپتان کہتا ہے جو بھی فیصلہ کرنا ہے عوام کو دیکھ کر کرنا ہے۔