امین الحق نے کہا کہ ملک کے کونے کونے میں براڈ بینڈ سروسز کی فراہمی ہماری پہلی ترجیح ہے۔

تفصیلات کے مطابق وزیر آئی ٹی و ٹیلی کمیونیکینش سید امین الحق کی چیف ایگزیکٹیو آفیسر(سی ای او) زونگ وانگ ہووا سے ملاقات ہوئی ہے۔

ملاقات میں اسپیکٹرم، فائیو جی، کینکٹوٹی اور معیاری ٹیلی کام سروسز کی فراہمی کے حوالے سے گفتگو کی گئی۔

اس موقع پر گفتگو کرتے ہوئے وزیر آئی ٹی سید امین الحق نے کہا کہ ملک کے کونے کونے میں براڈ بینڈ سروسز کی فراہمی ہماری پہلی ترجیح ہے، سروسز کے معیار کو بہتر کرنے کے لیئے ٹیلی کام سیکٹر کو اپنے انفراسٹرکچر کو اپ گریڈ کرنا ہوگا۔

امین الحق نے مزید کہا کہ سیلولر موبائل آپریٹرز کے مسائل اور ٹیکس ایشوز کو حل کرنے کے لیئے ہر ممکن اقدامات کررہے، ڈیجیٹل ورلڈ کے چیلنجز کا مقابلہ کرنے کیلئے آئندہ سال فائیو جی لانچنگ کیلئے پرعزم ہیں۔

وفاقی وزیر آئی ٹی سید امین الحق نے زونگ کی سیلاب زدہ علاقوں میں سروسز کے حوالے سے اقدامات کی تعریف بھی کی۔

سی ای او زونگ وانگ ہووا نے ملاقات میں کہا فائیو جی لانچنگ میں زونگ وزارت آئی ٹی کے ساتھ ہر ممکن تعاون کیلئے تیار ہے، جلد ہی ای کامرس کیلئے مائیکروفنانس طرز کی ایپلی کیشن متعارف کروارہے ہیں۔

ملاقات میں ایڈیشنل سیکرٹری(انچارج ) وزارت آئی ٹی و ٹیلی کمیونیکیشن محسن مشتاق اور وزارت کے سینئر افسران بھی موجود تھے۔