مسلم لیگ ق کے رہنما مونس الہیٰ نے لاہور ہائیکورٹ میں ایک اور نیب طلبی نوٹس کیخلاف درخواست دائر کر دی ہے۔
تفصیلات کے مطابق لاہور ہائیکورٹ میں سابق وفاقی وزیر چوہدری مونس الہیٰ اور آر وائی کے شوگر ملز کے سی ای او منیر حسین نے امجد پرویز ایڈووکیٹ کی وساطت سے درخواست دائر کی۔
عدالت میں دائر کی گئی درخواست میں چیئرمین نیب، ڈی جی نیب سمیت دیگر کو فریق بنایا گیا ہے۔
درخواست میں موقف اختیار کیا گیا کہ نیب نے آر وائی کے شوگر ملز کے شیئرز کا ریکارڈ طلب کیا ہے۔ طلبی نوٹس واجد بھٹی، منیر حسین سمیت دیگر کو طلب کیا گیا جو کبھی آر وائی کے شوگر ملز کے کبھی شیئر ہولڈر نہیں رہے۔
درخواست میں بتایا گیا کہ ایف آئی اے رحیم یار خان شوگر ملز کے معاملے کی تمام تحقیقات مکمل کر چکا ہے اور لاہور ہائیکورٹ رحیم یار خان شوگر ملز سے متعلق ایف آئی اے کے مقدمہ کو خارج کر چکی ہے۔
موقف میں بتایا گیا کہ نیب نے بھی اسی شوگر ملز سے متعلق 20 سال انکوائری کی اور انکوائری کو بند بھی کر دیا۔ درخواستگزاروں کو محض ہراساں کرنے کے لئے نیب نے طلبی کا نوٹس بھجوایا ہے۔
درخواست میں موقف اپنایا گیا کہ نیب نے مکینکل طریقے سے اور عدالتی ذہن استعمال کیے بغیر طلبی کا نوٹس بھجوایا اور درخواست گزار اور انکے اہلخانہ کی کردار کشی کیلئے بھی نیب نے نوٹس بھجوایا ہے۔
درخواست میں استدعا کی گئی کہ نیب کے 20 اور 27 اکتوبر کو بھجوائے گئے طلبی نوٹسز غیر قانونی قرار دے کر کالعدم کیے جائیں، درخواست کے حتمی فیصلے تک نیب کو انکوائری سے روکا جائے۔
لاہور ہائیکورٹ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News