پاکستان تحریک انصاف کے حقیقی آزادی مارچ کا آج سے دوبارہ آغاز ہوگیا ہے۔

تفصیلات کے مطابق پی ٹی آئی کا لانگ مارچ جہاں سابق وزیراعظم عمران خان پر قاتلانہ حملے کے باعث عارضی طور پر ختم کردیا تھا آج سے ایک بار پھر اسی مقام سے حقیقی آزادی کے مارچ کا آغاز کردیا گیا ہے۔

نیا کنٹینر تیار اور سیکیورٹی کی صورتحال:

 لانگ مارچ پر فائرنگ کے واقعہ کے بعد قائدین کیلئے نیا کنٹینر تیار کیا گیا ہے جس ہر بلٹ پروف شیشہ لگانے کے علاوہ دیگر حفاظتی اقدامات بھی کئ جارہے ہیں جبکہ لانگ مارچ کی سکیورٹی کے لئے پولیس کی بھاری نفری بھی تعینات ہو گی۔

وزیراعلیٰ پنجاب کا بیان:

وزیراعلیٰ پنجاب چوہدری پرویز الٰہی نے کہا ہے کہ لانگ مارچ میں شامل پی ٹی آئی قیادت اور شرکاء کو ہر شہر میں مکمل سکیورٹی فراہم کی جائے گی۔ روٹ کے راستے کی عمارتوں کی چھتوں پر سنائپرزکمانڈوز تعینات کیے جائیں گے۔

انہوں نے بتایا کہ 15ہزار پولیس اہلکار سکیورٹی ڈیوٹی سرانجام دیں گے جبکہ پولیس کنٹرول روم24گھنٹے کام کرے گا اور لانگ مارچ کی ڈرون اورسی سی ٹی وی کیمروں سے تسلسل کے ساتھ نگرانی کی جائے گی۔

انہوں نے مزید کہا کہ لانگ مارچ کے گرد2درجاتی سکیورٹی حصار بنایا جائے گا اسکے علاوہ کنٹینر پربلٹ پروف روسٹرم اوربلٹ پروف شیلڈز کا استعمال یقینی بنانے کیلئے ہدایات جاری کردی ہیں۔

ان کا کہنا تھا کہہر ضلع میں پولیس اورانتظامیہ کے آفیسرزکوکو آرڈینیشن کیلئے مامور کیا گیا ہے اور واضع کردہ سکیورٹی پلان پر من وعن عملدرآمد یقینی بنایاجائے گا۔

حلیم عادل شیخ کا ویڈو پیغام:

حقیقی آزادی کے حوالے سے سندھ اسمبلی میں قائد حزب اختلاف حلیم عادل شیخ نے اپنے ویڈیو پیغام میں کہا ہے کہ جہاں پر لانگ مارچ رکا تھا وہیں سے ہی آج شروع ہوگا۔

انہوں نے کہا کہ جنہوں نے لانگ مارچ کو روکنا چاہا لیکن نہیں رکا، جھکانا چاہا نہیں جھکے اور اسی جذبے کے ساتھ عوام کے ساتھ ہیں، اللہ تعالیٰ نے عمران خان پاکستان کے لئے چنہ ہے۔

انہوں نے مزید کہا کہ پاکستان کا مطلب کیا لاالہ الااللہ اسی بنیاد پر ملک بنا تھا، اس کی تکمیل ہوکر رہے گی جدو جہد جاری ہے۔

انہوں نے بتایا کہ وہ راولپنڈی میں چیئرمین عمران لانگ مارچ کو جوائن کریں گے اور راولپنڈی پہنچنے پر پورے پاکستان سے قافلے پہنچے گے۔

خیال رہے کہ پی ٹی آئی کے سیکرٹری جنرل اسد عمر نے کہا تھا کہ وہ جمعرات کو وزیر آباد میں پارٹی کے وائس چیئرمین شاہ محمود قریشی اور دیگر ساتھیوں کے ساتھ لانگ مارچ میں شرکت کریں گے۔

انشاء اللہ جمعرات کو وزیرآباد میں شاہ محمود قریشی اور دوسرے ساتھیوں کے ہمراہ لانگ مارچ کے دوبارہ سفر کے آغاز میں شرکت کروں گا. اس کے بعد جی ٹی روڈ پر لانگ مارچ شاہ صاحب لیڈ کریں گے اور میں فیصل آباد ڈویژن سے مارچ لیڈ کروں گا. خیبر پختون خواہ سے بھی تین اطراف سے مارچ ہو گی.

Advertisement

— Asad Umar (@Asad_Umar) November 7, 2022

انہوں نے ایک ٹویٹ میں کہا کہ “شاہ صاحب جی ٹی روڈ پر لانگ مارچ کی قیادت کریں گے اور میں فیصل آباد ڈویژن سے مارچ کی قیادت کروں گا۔”

پی ٹی آئی رہنما علی امین گنڈا پور خیبرپختونخوا کے جنوبی اضلاع سے قافلے کی قیادت کریں گے جبکہ خیبرپختونخوا کے وزیراعلیٰ محمود خان اور مراد سعید مالاکنڈ ریجن سے مظاہرین کی قیادت کریں گےجبکہ  پی ٹی آئی کے سینئر رہنما پرویز خٹک پشاور اور ہزارہ ڈویژن سے احتجاجی ریلی کی قیادت کریں گے۔