وزیر اعلیٰ خالد خورشید نے کہا ہے کہ چیئرمین پی ٹی آئی عمران خان کا عزم و حوصلہ بے مثال ہے۔
تفصیلات کے مطابق صوبائی صدر پاکستان تحریک انصاف (پی ٹی آئی) وزیر اعلیٰ گلگت بلتستان خالد خورشید کی زیر صدارت حقیقی آزادی لانگ مارچ ضلع سکردو کی آرگنائزنگ کمیٹی کا اہم اجلاس ہوا ہے۔
اس موقع پر صوبائی صدر پی ٹی آئی گلگت بلتستان وزیراعلیٰ خالد خورشید نے ضلع سکردو کی آرگنائزنگ کمیٹی سے گفتگو میں کہا کہ چیئرمین عمران خان کے ساتھ ملاقات میں جی بی کے عوام اور بلخصوص پی ٹی آئی کارکنان کے خصوصی جزبات، دعائیں اور نیک کلمات چیئرمین تک پہنچائی ہیں۔
انہوں نے کہا کہ چیئرمین عمران خان نے جی بی عوام و کارکنان کے جذبات اور قاتلانہ حملے کے بعد زبردست ردعمل کو سراہا ہے اور حقیقی آزادی لانگ مارچ میں جی بی عوام کی بھرپور شرکت کے لئے مکمل تیاریاں کرنے کی ہدایت بھی کی ہے۔
ان کا کہنا تھا کہ قاتلانہ حملے کی سازش کے باوجود حقیقی آزادی کی تحریک کی کامیابی کے لئے چیئرمین عمران خان کا عزم و حوصلہ بے مثال ہے، انشاء اللہ چیئرمین عمران خان عوام کی حمایت سے کامیاب ہوں گے۔
اجلاس کی صدارت کرتے ہوئے صوبائی صدر پی ٹی آئی گلگت بلتستان وزیراعلیٰ خالد خورشید نے ضلعی آرگنائزنگ کمیٹی کو حقیقی آزادی لانگ مارچ میں شرکت کے لئے ماس موبلائزیشن تیز کرنے اور تحصیل و حلقے کی سطح پر مزید ارگںائزنگ کمیٹیاں تشکیل دینے کی بھی ہدایت کی۔
انہوں نے کہا کہ اس بار بلتستان سے تاریخی شرکت متوقع ہے جس کے لئے پارٹی رہنماء و کارکنان منظم انداز میں تیاریاں یقینی بنائیں گے۔
ارگنائزنگ کمیٹی کے ممبران نے چیئرمین عمران خان تک جی بی عوام و کارکنان کے جزبات، دعائیں و نیک تمنائیں پہنچانے پر صوبائی صدر پی ٹی آئی گلگت بلتستان وزیراعلی کا شکریہ ادا کیا اور حقیقی آزادی لانگ مارچ کی کامیابی کے لئے ہر ممکن کوشش کرنے کے عزم کا اعادہ بھی کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News