پاکستان تحریک انصاف کے رہنما فواد چوہدری نے کہا ہے کہ توشہ خانہ سے متعلق پروپیگنڈے پر جیو گروپ کے خلاف کارروائی کا آغاز آج سے ہی ہوگا۔
سماجی رابطے کی ویب سائٹ ٹوئٹر پر اپنے جاری کردہ بیان میں فواد چوہدری نے کہا کہ جیو گروپ نے گوشہ خانہ کیس سے متعلق اپنے پروگرام اور خبریں لندن میں خود ہی سنسر کر رکھی ہیں۔
جیو گروپ نے گوشہ خانہ کیس سے متعلق اپنے پروگرام اور خبریں لندن میں خود ہی سنسر کر رکھی ہیں ان کا خیال ہے کہ اس طرح صرف پاکستانی عدالتوں سے ڈیل کرنا ہو گا چلیں شروع پاکستان سے کرتے ہیں جعلی شہادتیں بنانا اور پروگرام کرنے پر آج سے ہی کاروائ کا آغاز ہو گا
— Ch Fawad Hussain (@fawadchaudhry) November 17, 2022
‘جعلی شہادتیں بنانا اور پروگرام کرنے پر آج سے ہی کارروائی کا آغاز ہوگا’
انہوں نے کہا کہ ان کا خیال ہے کہ اس طرح صرف پاکستانی عدالتوں سے ڈیل کرنا ہو گا، چلیں شروع پاکستان سے کرتے ہیں۔
سابق وفاقی وزیر کا کہنا ہے کہ جعلی شہادتیں بنانا اور پروگرام کرنے پر آج سے ہی کارروائی کا آغاز ہو گا، توشہ خانہ سے متعلق پروپیگنڈے پر جیو گروپ کے خلاف کارروائی کا آغاز آج سے ہی ہوگا۔
فواد چوہدری نے مزید کہا کہ خان زادہ تو ٹیلی پرامپٹر پر جو لکھا ہوا دیا جاتا ہے پڑھ دیتا ہے اصل ایجنڈا میر ابراھیم کا ہے۔
فواد چوہدری کی بول سے گفتگو
دوسری جانب فواد چوہدری نے بول نیوز سے گفتگو کرتے ہوئے کہا کہ جیو گروپ توشہ خانہ کیس کے فراڈ میں پکڑا گیا، 2ملین ڈالر بہت بڑی رقم ہے، دبئی میں لاکھ ڈالر بھی کیش نہیں دے سکتے۔
انہوں نے کہا کہ گھڑی کوئی مسئلہ نہیں، 3کروڑ روپے میں فروخت کردی تھی، اربوں کی کرپشن کیسز کے سامنے گھڑی کی فروخت کچھ نہیں۔
پی ٹی آئی رہنما نے کہا کہ میرابراہیم کو شوق چڑھا ہوا ہے انکا شوق پورا کریں گے، خیمہ بستیاں لگنا شروع ہوگئیں،ہماری حکمت عملی حکومت کو حیران کردیگی۔
فواد چوہدری نے مزید کہا کہ لانگ مارچ پنڈی کب پہنچے گا اسکااعلان عمران خان کرینگے، عمران خان ہفتے کو روات میں اعلان کریں گے۔
عمران خان کا جیو اور جنگ کیخلاف عدالت جانے کا اعلان
گزشتہ روز چیئرمین پی ٹی آئی عمران خان نے جیو اور جنگ کیخلاف عدالت جانے کا اعلان کیا تھا۔
سابق وزیر اعظم اور چیئرمین پی ٹی آئی عمران خان نے جارحانہ میں جلسے سے خطاب کرتے ہوئے کہا تھا کہ چوروں کو سازش کے تحت ہم پرمسلط کیا گیا جبکہ انہوں نے حکومت میں آتے ہی اربوں کے کیسز ختم کردیئے۔
عمران خان نے کہا کہ وہ معاشرے تباہ ہوجاتے ہیں جہاں انصاف نہیں ہوتا ، حکومت کی60 فیصد کابینہ ضمانت پر ہے جبکہ شہبازشریف اور اسکے بیٹے پر فردجرم عائد ہونے والی تھی۔
انہوں نے یہ بھی کہا کہ امیر ممالک اس لیے خوشحال ہیں کیونکہ وہاں کرپشن نہیں ہے، ہم قانون کی حکمرانی کیلئےجنگ لڑرہے ہیں، قانون کی حکمرانی کے بغیر ترقی نہیں ہوسکتی۔
انہوں نے کہا کہ جیو اپنے میڈیا گروپ کو استعمال کرتا ہے اور ملک میں پروپیگنڈا کرتا ہے، جیوگروپ کا مقصد آزادی صحافت نہیں بلکہ ایجنڈا سیٹ کرنا ہے۔
عمران خان نے یہ بھی کہا کہ جیو گروپ دیانتداری سے صحافت کرتا تو پتا ہوتا عمرظہور فراڈی ہے، جیو گروپ کے خلاف لندن میں کیس کروں گا۔
چیئرمین پی ٹی آئی کا کہنا تھا کہ جیوگروپ نے میری کردار کشی کی، جیو گروپ کو اب لندن میں جواب دینا ہوگا جبکہ جیوگروپ کے خلاف پاکستان اور دبئی میں بھی کیس کروں گا۔
سابق وزیر اعظم کا یہ بھی کہنا تھا کہ میرے وکیل نے توشہ خانہ کا تفصیلی جواب دیا، گھڑی کتنے میں فروخت ہوئی،رسید توشہ خانہ میں موجود ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News