انتظامیہ کی جانب سے پاکستان تحریک انصاف کو 26 نومبر کو فیض آباد میں جلسہ کرنے کی اجازت دے دی گئی ہے۔

تفصیلات کے مطابق پی ٹی آئی کے ساتھ 56 شرائط پر اتفاق کرنے کے بعد ڈپٹی کمشنر راولپنڈی  کی جانب 26 نومبر کو فیض آباد میں ہونے والے جلسے کا اجازت نامہ جاری کیا گیا ہے۔

اس حوالے سے  واثق قیوم عباسی اور ڈپٹی کمشنر راولپنڈی کے درمیان میٹنگ پر شرائط طے ہوئیں ہیں جبکہ قیادتِ کو حالیہ تھریٹس کے بعد سیکورٹی پر حفاظتی اقدامات کئے جائینگے اور جلسہ انتظامیہ جلسہ گاہ کے علاؤہ کسی حدود میں داخل نہیں ہونگے ۔

انتظامیہ اس بات کو یقینی بنائے گی کہ عمران خان بتائے گئے روٹ کے علاؤہ کوئی اور روٹ استعمال نہیں کرینگے جبکہ اختتام پر کوئی کارکن وہاں موجود نہیں رہے گا اور جلسہ کی رات کو علامہ اقبال پارک میں کسی ورکر کو ٹھہرایا نہیں جائے گا ۔

اس بات کا بھی خیال رکھا جائے گا کہ ساؤنڈ سسٹم ساؤنڈ ایکٹ کے مطابق استعمال کیا جائے گا اور ساؤنڈ سسٹم اذان کے وقت بند کیا جائے گا ۔

اسکے علاوہ پی ٹی آئی قیادت رضارکاروں کو داخلی راستوں پر تعینات کرے گی  جبکہ رضاکاروں کے پاس سیکورٹی جیکٹس اور بیجز موجود ہوں  اور خواتین کارکنان کی تلاشی کیلئے لیڈی رضاکار اور ویمن پولیس موجود ہو گی ۔

جلسہ گاہ میں اسلحہ کی مکمل پابندی ہوگی آتش بازی پر بھی پابندی ہو گی جبکہ گاڑیوں کی پارکنگ کیلئے ٹریفک پولیس سے تعاون کیا جائے گا اور پولیس آور انتظامیہ تھریٹس الرٹ وقتاً فوقتاً بتاتے رہیں گے ۔

اسٹیج اور شرکاء کے درمیان فاصلہ اسی فٹ سے کم نہیں ہونا چاہیے جبکہ قانون نافذ کرنے والے اداروں کے علاؤہ کسی کو سیکورٹی زون میں داخلے کی اجازت نہیں ہو گی ۔

شرائط کے مطابق ریاست مخالف نعرے بازی، اداروں اور عدلیہ مخالف تقاریر پر پابندی ہو گی اور سی سیاسی جماعت کا جھنڈا نظر آتش نہیں کیا جائے گا۔

جلسہ گاہ کے اطراف کسی قسم کی وال چاکنگ نہیں کی جائیگی اور پنڈال میں مناسب لائٹنگ کا بندوست کیا جائے گا، اسکے علاوہ جلسہ انتظامیہ تمام جلسے کی ویڈیو ریکارڈنگ ایڈٹ کئے بغیر مہیا کرنے کی پابند ہو گی ۔

جلسہ انتظامیہ اور قانون نافذ کرنے والے ادارے وی آئی پیز کی سیکورٹی کے ذمہ دار ہونگے تاہم شرائط کی خلاف ورزی کی صورت میں جلسہ آرگنائزر کے خلاف قانونی کارروائی ہو گی۔