وزیراعظم شہباز شریف نے کہا ہے کہ پاکستان اور ترکی کے درمیان مختلف شعبوں میں تعاون کے بےپناہ امکانات ہیں۔
تفصیلات کے مطابق وزیر اعظم شہباز شریف نے پاکستان ترکیہ بزنس کونسل میٹنگ سے خطاب کرتے ہوئے کہا کہ ہمیں علم ہے کہ ماضی میں ترک کمپنیوں کیلئے پاکستان میں مشکلات رہی ہیں لیکن حکومت ترکیہ سرمایہ کاروں کےمسائل کاازالہ کرنےکیلیےاقدامات کررہےہیں۔
انہوں نے بتایا کہ ملک میں تجارت، سرمایہ کاری کو آسان بنانےکیلئے اقدامات کئے جارہے ہیں کیونکہ دونوں ممالک میں مختلف شعبوں میں تعاون کے بےپناہ امکانات ہیں۔
انہوں نے مزید کہا کہ ترکیہ ہمارا دوسرا گھر ہے جہاں میرا پرتپاک استقبال کیا گیا تاہم یہاں ہونے والے دہشتگردوں کےحملے کی مذمت کرتاہوں جس کے نتیجے میں ہونے والے جانی نقصان پر بہت افسوس ہے۔
وزیراعظم کا کہنا تھا کہ پاکستان کی طرح ترکیہ بھی دہشتگردی کا شکار ہوا ہے اور دہشت گردی کے واقعات میں ملوث لوگ انسان دوست نہیں ہے۔
ان کا کہنا تھا کہ سیلاب متاثرین کی امداد پر ترکیہ کے صدر اورعوام کے بھی شکرگزار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News