آئی جی سندھ کی صوبے بھر کے ٹول پلازہ پر پاورڈ کیمرے نصب کرنے کی ہدایت

شعیب برنی

11th Nov, 2022. 07:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی جی سندھ کی صوبے بھر کے ٹول پلازہ پر پاورڈ کیمرے نصب کرنے کی ہدایت

آئی جی سندھ غلام نبی میمن نے صوبے بھر کے تمام ٹول پلازہ پر پاورڈ کیمرے نصب کرنے کی ہدایت جاری کر دی۔

تفصیلات کے مطابق آئی جی سندھ غلام نبی میمن نے اپنے بیان میں کہا کہ سندھ بھر کے تمام ٹول پلازہ پر ہائی فشل ریکگنائزڈ پاورڈ کیمرے نصب کیے جائیں، کیمروں کی تنصیب کے حوالے سے کم و بیش 40 مقامات کے انتخاب میں باہمی مشاورت کو یقینی بنایا جائے۔

غلام نبی میمن نے کہا کہ کیمروں کی تنصیب اور استعمال سے ہائی ویز پر کریمنلز موومنٹ کے ساتھ ساتھ غیر قانونی گاڑیوں کی نقل و حرکت کی اطلاع پر بروقت ایکشن کو کامیاب بنایا جا سکے گا، کراچی تا جیکب آباد، کشمور اور ٹرائی جنکشن بارڈر کی ہائی ویز کے تمام ٹول پلازہ پر کیمرے نصب کیے جائیں گے۔

ان کا کہنا تھا کہ کیمروں کی تنصیب کے حوالے سے قائم کمیٹی جلد سے جلد قابل عمل امور پر مشتمل سفارشات تیار کر کے ارسال کرے، جدید ٹیکنالوجی کا استعمال فی زمانہ ایک ضرورت بن چکا ہے، جرائم سے نبردآزما ہونے کے لیے پولیس کو جدید تیکنیکس اور ماڈرن ٹیکنالوجی کی طرف آنا ہو گا۔