پاکستان تحریک انصاف کے سینئر رہنما اسد عمر نے کہا ہے کہ کل پانچ بجے پاکستان کے تمام شہروں میں احتجاجی اجتماع ہوں گے۔
سماجی رابطے کی ویب سائٹ ٹوئٹر پر اپنے ایک پیغام میں اسد عمر نے کہا ہ ہر شہر کی احتجاج کی جگہ کا اعلان مقامی تنظیمیں کریں گی۔
انہوں نے کہا کہ ان کو دکھائیں حقیقی طور پر آزاد قوم کو کوئی دبا نہیں سکتا۔
ان کا مزید کہنا تھا کہ میں خود لبرٹی چوک لاہور میں احتجاج میں شرکت کروں گا۔
Advertisementکل پانچ بجے پاکستان کے تمام شہروں میں احتجاجی اجتماع ہوں گے. ہر شہر کی احتجاج کی جگہ کا اعلان مقامی تنظیمیں کریں گی. ان کو دکھائیں حقیقی طور پر آزاد قوم کو کوئی دبا نہیں سکتا. میں خود لبرٹی چوک لاہور میں احتجاج میں شرکت کروں گا
— Asad Umar (@Asad_Umar) November 4, 2022
واضح رہے کہ کچھ دیر قبل کراچی پولیس کی نفری نے پی ٹی آئی کے پرامن مارچ پر چڑھائی کر دی تھی، پولیس کی جانب سے مظاہرین پر شیلنگ اور لاٹھی چارج کی گئی جس کے نتیجے میں پی ٹی آئی رکن سندھ اسمبلی راجہ اظہر بھی زخمی ہو گئے۔
جناح اسپتال سے شارع فیصل آنے والا راستہ عارضی طور پر بند کر دیا گیا ہے جبکہ کارکنان نے شارع فیصل کا دوسرا ٹریک بھی بند کر دیا ہے۔
ریجینٹ پلازہ کے قریب کارکنان کو روکنے کی کوشش کرتے ہوئے پولیس کی جانب سے مظاہرین پر شیلنگ کی گئی جبکہ پی ٹی آئی کارکنان نے پولیس پر پتھراؤ کرنا شروع کیا جبکہ خواتین کارکنان کی بھی پولیس سے تلخ کلامی ہوئی۔
شاہراہ فیصل پر پولیس کی لاٹھی چارج اور بھگدڈ سے پی ٹی آئی رکن سندھ اسمبلی راجہ اظہر زخمی ہو گئے جبکہ شارع فیصل پر پولیس کی جانب سے متعدد مظاہرین کو حراست میں لے لیا گیا۔
حراست میں لئے گئے مظاہرین میں خواتین بھی شامل ہیں جبکہ زیر حراست مظاہرین کو پولیس موبائل میں منتقل کرکے نامعلوم مقام پر لے جایا جارہا ہے۔
آنسو گیس شیلنگ اور گرفتاریوں سے بچنے کے لئے مظاہرین منتشر ہوگئے جبکہ مظاہرین ایف ٹی سی پل کے قریب بڑی تعداد میں جمع بھی ہوگئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News