بابر اعوان نے کہا ہے کہ پاکستان کی ریاست کے اہم ترین فیصلے لندن میں کرنا حکمرانوں کے لئے شرم کا مقام ہے۔

تفصیلات کے مطابق سماجی رابطے کی ویب سائٹ ٹوئٹر پر پاکستان تحریک انصاف کے رہنما بابر اعوان نے وزیر اعظم شہباز شریف کے ٹوئٹ پر ردعمل دیتے ہوئے کہا کہ چند ہفتے پہلے جب راج ناتھ سنگھ نے گلگت بلتستان پر قبضے کی کُھلی دھمکی دی تب تمہاری غیرتمندانہ ڈپلومیسی کہاں تھی۔

پاکستان تحریک انصاف کے رہنما بابر اعوان نے مزید کہا کہ اُس عمران کو طعنے دے رہے ہو جو اول و آخر پاکستان میں ہے جبکہ پاکستان تمہارا ٹرانزٹ اور لندن تہارا مستقل ہے۔ شرم کرو، خاندانِ غلاماں

Advertisement

چند ہفتے پہلے جب راج ناتھ سنگھ نے گلگت بلتستان پر قبضے کی کُھلی دھمکی دی، تمہاری غیرتمندانہ ڈپلومیسی کہاں تھی؟ اُس عمران کو طعنے دے رہے ہو جو اول و آخر پاکستان میں ہے۔ پاکستان تمہارا transit اور لندن مستقل منزل۔ شرم کرو، خاندانِ غلاماں۔ https://t.co/FG6RNqakyB

— Babar Awan (@BabarAwanPK) November 14, 2022

واضح رہے کہ وزیر اعظم شہباز شریف نے سابق وزیراعظم و چیئرمین پی ٹی آئی عمران خان پر تنقید کی تھی۔

وزیر اعظم شہباز شریف نے سماجی رابطے کی ویب سائٹ ٹوئٹر پر اپنے ایک پیغام میں کہا تھا کہ عمران خان نے فنانشل ٹائمز کو انٹرویو میں بیرونی سازش کی اپنی تھیوری کو خود ہی مسترد کر دیا ہے۔

اپنے پیغام میں وزیر اعظم شہباز شریف نے مزید کہا کہ عمران خان نے اپنی ذاتی سیاست کے لئے ملک کے سفارتی تعلقات کو تقصان پہنچایا، اس شخص کی مکاری اور جھوٹ سے قومی اعتماد کو بھی ٹھیس پہنچی ہے۔