پاکستان تحریک انصاف کے مرکزی جنرل سیکرٹری اسد عمر نے کہا ہے کہا کہ پاکستان نازک صورتحال سے گزر رہا ہے۔

سابق فاقی وزیر اسد عمر نے چکوال میں لانگ مارچ شرکاء سے خطاب کرتے ہوئے کہا کہ عمران خان عوام کی آزادی کی جنگ لڑرہے ہیں، عمران خان کو قتل کر کے راستے سے ہٹانے کی کوشش کی گئی۔

‘ہمارے پاس دو راستے ہیں’

انہوں نے کہا کہ ہمارے پاس دو راستے ہیں، ایک راستہ پرانا 75سالہ غلامی کا اور دوسراحقیقی آزادی کا ہے۔ پاکستان نازک صورتحال سے گزر رہا ہے۔

رہنما پی ٹی آئی کا کہنا ہے کہ چکوال غازیوں، شہداء کا قلعہ ہے، چکوال والے کسی کی غلامی قبول کریں ایسا ممکن نہیں۔

‘ہمیں عوام سے کوئی خطرہ نہیں’

سابق فاقی وزیر نے کہا کہ ہم عوام میں سے ہیں، ہمیں عوام سے کوئی خطرہ نہیں، ہمارے اور عوام کے درمیان رکاوٹیں نہ پیدا کی جائیں۔

 اسد عمر نے مزید کہا کہ عمران خان آج اہم خطاب کریں گے، عمران خان اب دوتہائی اکثریت سے اسمبلی میں جائیں گے، عوام عمران خان کے ساتھ ہیں۔

حقیقی آزادی مارچ کا دوسرا مرحلہ: عمران خان آج شرکاء سے خطاب کرینگے

پاکستان تحریک انصاف کا حقیقی آزادی مارچ دوسرے مرحلے کے 9 ویں روز آج چکوال کا رُخ کرے گا۔

انتظامیہ کی جانب سے لانگ مارچ کے 9 ویں روز کا شیڈول جاری کر دیا گیا ہے۔

مرکزی سیکرٹری جنرل تحریک انصاف اسد عمر حقیقی آزادی مارچ قافلے کی قیادت کرینگے، حقیقی آزادی مارچ قافلے کا چکوال شہر میں 6 مقامات پر استقبال کیا جائے گا۔

مرکزی سیکرٹری جنرل اسد عمر کی قیادت میں قافلے کا صبح 11 بجے کلر کہار انٹرچینج پہنچنے پر رہنما تحریک انصاف پیر وقار استقبال کریں گے۔

دن 12بجے بلکسر پہنچنے پر حقیقی آزادی مارچ قافلے کا خیر مقدم ایم پی اے سردار آفتاب اکبر کریں گے،  قافلے کا دن 2 بجے دلہہ پہنچنے پر سابق ایم این اے سردار ذوالفقار دلہہ استقبال کریں گے۔

حقیقی آزادی مارچ کا قافلہ دن 2:30 بجے لطیفال پہنچے گا، تحریک انصاف کے رہنما سردار نجف استقبالیہ دیں گے۔

مرکزی سیکرٹری جنرل اسد عمر کی زیر قیادت قافلہ دن 3 بجےڈھڈیال پہنچے گا،ضلعی چئیرمین خورشید بیگ استقبال کریں گے۔

حقیقی آزادی مارچ قافلہ 3:30 بجے ہرل چوک پہنچے گا،وہاں تحریک انصاف رہنما راجہ طارق استقبالیہ دیں گے۔

ذرائع کے مطابق چکوال میں حقیقی آزادی مارچ کے حوالے سے عوامی اجتماع کا انعقاد کیا جائے گا، مرکزی سیکرٹری جنرل اسد عمر چکوال میں 4 بجے مارچ کے شرکاء سے مخاطب ہونگے۔

چکوال میں چئیرمین پی ٹی آئی اور سابق وزیراعظم عمران خان کا خطاب براہ راست بڑی اسکرین پر دکھانے کا اہتمام کیا جائے گا۔

چیئرمین پاکستان تحریک انصاف عمران خان شام پانچ بجے کے بعد بذریعہ وڈیو لنک کے ذریعے بھون چوک میں مارچ کے شرکاء سے خطاب کریں گے۔