پاک بحریہ کے جہاز پی این ایس تبوک نے قطر کی بندرگاہ کا دورہ کیا۔

ترجمان پاک بحریہ کے مطابق پاک بحریہ کے جہاز کی قطر کی بندرگاہ آمد پر پاکستانی سفارتی حکام اور میزبان بحریہ کے اعلیٰ افسران نے جہاز کا استقبال کیا۔

ترجمان نے بتایا کہ جہاز کے کمانڈنگ آفیسر نے میزبان بحریہ کے اعلیٰ حکام سے ملاقاتوں کے دوران فیفا ورلڈ کپ 2022 کی میری ٹائم سیکیورٹی پر تبادلہ خیال کیا۔

پاک بحریہ کے ترجمان کا کہنا تھا کہ پی این ایس تبوک کی انٹرنیشنل میگا ایونٹ فیفا ورلڈ کپ 2022 کے دوران میری ٹائم سیکیورٹی میں معاونت پاک بحریہ کی پیشہ ورانہ صلاحیتوں پر اعتماد کا اظہار ہے۔

ترجمان پاک بحریہ نے مزید کہا کہ پی این ایس تبوک فیفا ورلڈ کپ 2022 کے دوران قطر حکومت کو میری ٹائم سیکیورٹی میں معاونت فراہم کرے گا۔

فیفا ورلڈ کپ 2022: ٹکٹوں کی ریکارڈ فروخت، قطر نے روس کو پیچھے چھوڑ دیا

خیال رہے کہ فیفا ورلڈ کپ 2022 قطر میں جاری فٹ بال میچز کی ریکارڈ ٹکٹوں کی فروخت  میں قطر نے روس کو پیچھے چھوڑ دیا۔

 ترجمان فیفا کا کہنا تھا کہ دو روز قبل سے شروع ہونے والے فیفا ورلڈ کپ 2022 کے میچزکی  اب تک 30 لاکھ ٹکٹیں فروخت ہوچکی ہیں۔

فیفا ترجمان کا کہنا تھا کہ 2018  میں روس میں ہونے والے ورلڈ کپ کے آغاز تک 24 لاکھ ٹکٹس فروخت ہوئی تھیں لیکن قطر میں فٹ بال ورلڈ کپ کی اب تک 30 لاکھ ٹکٹیں فروخت ہوچکی ہیں ۔

فیفا کے صدرکا کہنا تھا کہ فٹ بال ورلڈکپ میں شائقین کی دلچسی میں اضافہ دیکھنے میں آرہا ہے ۔کورونا اور دیگر بحرانوں کے باوجود شائقین  کا بڑی تعداد میں میدان میں آنا حیرت انگیز  امر ہے۔