پاکستان تحریک انصاف کے سینیئر رہنما اعظم سواتی کی گرفتاری کے خلاف پارٹی کے خواتین ونگ کی جانب سے احتجاج کیا جارہا ہے۔
تفصیلات کے مطابق سپریم کورٹ رجسٹری کے باہر پی ٹی آئی خواتین ونگ کی جانب سے اعظم سواتی کی گرفتاری کیخلاف احتجاج ریکارڈ کروایا جارہا ہے۔
اس موقع پر پی ٹی آئی کے خواتین ونگ کی جانب سے اعظم سواتی کی فوری رہانی اور سپریم کورٹ سے زاخود نوٹس لینے کا بھی مطالبہ کیا گیا ہے۔
خیال رہے کہ خواتین آنکھوں پر سیاہ پٹیاں باندھ کر جی پی او چوک پر احتجاج کررہے ہیں تاہم احتجاج کے باعث سپریم کورٹ لاہور رجسٹری کی طرف جانے والا روڈ ٹریفک کےلیے بند کر دیا گیا ہے جبکہ پولیس نے سپریم کورٹ رجسٹری کے مرکزی گیٹ پر رکاوٹیں کھڑی کردیں گئی ہیں۔
اس موقع پر سپریم کورٹ رجسٹری کے باہر میڈیا سے گفتگو کرتے ہوئے پاکستان تحریک انصاف کی رہنما اور صوبائی وزیر ڈاکٹر یاسمین راشد نے بتایا کہ اعظم سواتی کوانصاف نہیں ملا،دوبارہ گرفتارکرلیا گیا جس کے لئے ہم آج پٹیشن دائرکررہےہیں۔
انہوں نے کہا کہ 75 سالہ سینیٹرکواہلخانہ کےسامنےتشددکانشانہ بنایا گیا تاہم ہمارا مطالبہ ہے کہ اعظم سواتی کے ساتھ جو ہوا سپریم کورٹ ازخود نوٹس لے۔
انہوں نے مزید کہا کہ آج خواتین اوربچےسپریم کورٹ رجسٹری کےباہرکھڑے ہیں، خواتین خودکوغیرمحفوظ سمجھ رہی ہیں کیونکہ فضل الرحمان نےگھٹیازبان استعمال کی اور راناثنااللہ نےخواتین کوزدوکوب کیاسب کچھ ریکارڈپرہے۔
صوبائی وزیر نے مطالبہ کیا کہ خواتین کی چادر اورچاردیواری کےتقدس کاتحفظ کیاجائے اور اگر عورت کی عزت کاخیال نہ رکھاتوہم تمہیں بتائیں گے۔
انہوں نے مزید کہا ہے کہ ملکی حالات دن بدن مزیدخراب ہورہےہیں، معیشت کابیڑہ غرق ہوگیا،ملک ڈیفالٹ کی طرف جارہا ہے۔
اعظم سواتی کی گرفتاری پر ازخود نوٹس لینے کے لیے سپریم کورٹ میں درخواست دائر
ڈاکٹر یاسمین راشد نے اعظم سواتی کی گرفتاری پر ازخود نوٹس لینے کے لیے سپریم کورٹ میں درخواست دائر کردی ہے۔
درخواست میں مؤقف اختیار کیا گیا ہے کہ اعظم سواتی کی گرفتاری غیر قانونی اور سیاسی بنیادوں پر کی گی تاہم سپریم کورٹ ازخود نوٹس لے۔
دائر درخواست میں استدعا کی گئی ہے کہ سپریم کورٹ ذمہ داروں کے خلاف کاروائی کرنے کا حکم بھی دے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News