پاکستان تحریک انصاف (پی ٹی آئی) کے سینئر رہنما شبلی فراز نے کہا ہے کہ حکومت الیکشن سے بھاگنے کی پوری کوشش کر رہی ہے۔

تفصیلات کے مطابق پی ٹی آئی کے سینئر رہنما شبلی فراز نے میڈیا سے گفتگو کرتے ہوئے کہا کہ حکومت ہر طرح سے الیکشن سے بھاگ رہی ہے، ابھی سینیٹ کا اجلاس بلایا گیا ہے، یہ لوکل باڈیز کے الیکشن کو سبوتاژ کرنے جا رہے ہیں۔

شبلی فراز نے کہا کہ یہ بل قومی اسمبلی سے کورم نہ ہونے پر پاس کیا گیا، دہشت گردی کے عنوان کے پیچھے یہ بلدیاتی الیکشن کا بل پاس کروائیں گے، پیپلز پارٹی اور (ن) لیگ کو پورے امیدوار نہیں ملے، اگر اسلام آباد میں میئر آئے گا تو انکی حکومت مزید سکڑ جائے گی۔

مزید پڑھیں؛ رجیم چینج آپریشن سے ملک کو ناقابل تلافی نقصان پہنچایا گیا، شبلی فراز

ان کا کہنا تھا کہ بغیر ایڈوانس نوٹس سینیٹ کا اجلاس بلایا گیا ہے، بزدل گیڈر الیکشن سے بھاگ رہے ہیں، ججز کا کام فیصلہ کرنا ہے ججز آئین اور قانون کے مطابق فیصلہ دیں، ہم آئین اور قانون کے مطابق پنجاب اسمبلی میں اپنا فیصلہ کریں گے، ابھی ہمارا اجلاس جاری ہے۔