کوئٹہ میں خودکش دھماکے کا مقدمہ درج، انسداد دہشتگردی سمیت دیگر دفعات شامل

ویب ڈیسک

01st Dec, 2022. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کوئٹہ میں خودکش دھماکے کا مقدمہ درج، انسداد دہشتگردی سمیت دیگر دفعات شامل

کوئٹہ کے علاقے بلیلی کے قریب خودکش دھماکے کا مقدمہ درج کرلیا گیا ہے جس میں انسداد دہشتگردی سمیت دیگر دفعات شامل کی گئیں ہیں۔

تفصیلات کے مطابق گزشتہ روز بلیلی کے قریب بلوچستان کانسٹیبلری کے ٹرک پر دھماکے کا مقدمہ سی ٹی ڈی تھانہ کوئٹہ میں درج کرلیا گیا ہے۔

مقدمہ ایس ایچ او ائیر پورٹ تھانہ کی مدعیت میں درج کیا گیا ہے جبکہ مقدمے میں قتل،اقدام قتل ،ایکسپلوسیو ایکٹ اور انسداد دہشت گردی کی دیگر دفعات شامل ہیں۔

خیال رہے کہ کوئٹہ کے علاقے بلیلی کے قریب خود کش دھماکے کے نتیجے میں خاتون سمیت 3 افراد شہید ہوگئے تھے۔

پولیس نے بتایا کہ دھماکہ بلوچستان کانسٹیبلری کے ٹرک پر ہوا، جس میں 16 اہلکار زخمی ہوگئے جبکہ دھماکے کے باعث قریب سے گزرنے والی گاڑی بھی زد میں آگئی۔

پولیس کا کہنا ہے کہ دھماکے کی زد میں آ کر قریب سے گزرنے والی گاڑی میں موجود خاتون بھی زخمی ہوئی اور اردگرد کی دوسری گاڑیوں کوبھی نقصان پہنچا۔