کراچی سے لاپتہ ہونے والی دو نوجوان لڑکیاں سینکڑوں میل دور لاہور سے بازیاب کرائیں گئیں ہیں۔

اس حوالے سے حکام نے بتایا کہ 14 سالہ کنزا اور اس کی دوست نائلہ، دونوں سہیلیاں پلاننگ سے گھر سے نکلیں اور گھر سے جانے کے لئے لڑکیوں نے مختلف ٹرینوں کی معلومات لیں۔

کورنگی سے لاپتہ لڑکیوں کے کیس میں اہم پیشرفت،اغوا ہونے والی دو کمسن لڑکیاں لاہور سے بازیاب،مبینہ طور پر کوریا جانے کے لئے گھروں سے نکلی، لڑکیوں کو لاہور پولیس نے ریلوے اسٹیشن پر تحویل میں لےلیا #BOLNews #BreakingNews #Lahore pic.twitter.com/P12C7wWCbO

Advertisement

— BOL Network (@BOLNETWORK) January 9, 2023

تفتیشی حکام نے بتایا کہ کوریا کیسے جائیں، جانے کے لئے کیا مشکلات پیش آئیں گی سب معلومات لیں اور سب ایک صفحے پر نوٹ کیا۔

یہ بھی پڑھیں: لاپتہ افرادکی بازیابی کامعاملہ، سندھ حکومت کو رپورٹ کیلئے 6 ہفتوں کی مہلت

حکام کے مطابق لڑکیوں نے اپنے ایک کزن کو بھی ساتھ چلنےکا کہا لیکن وہ نہیں گیا تاہم دونوں لڑکیاں بھاگنے سے پہلے گوگل آئی ڈی فارمیٹ کرکے گئیں تھیں۔

حکام نے بتایا ہے کہ دونوں لڑکیاں کسی تیسری لڑکی سے رابطے میں تھیں، تیسری لڑکی کون ہے کھوج لگارہے ہیں  تاہم لڑکیوں کے والدین کو کنزی کے ہاتھ سے لکھا ہوا خط بھی ملا ہے ۔

دوسری جانب آج ملنے والے اطلاعات کے مطابق کراچی پولیس کو دونوں سہیلیوں کا سراغ مل گیا ہے جبکہ کراچی کے کورنگی ٹاؤن کے ایس ایس پی ساجد سدوزئی نے تصدیق کی کہ لڑکیاں لاہور سے مل گئی ہیں اور کراچی پولیس کی ٹیم انہیں واپس لانے کے لیے جلد روانہ ہوگی۔

خیال رہے کہ والد نے تھانہ زمان ٹاؤن میں اغوا کا مقدمہ درج کرایا تھا۔

یہ بھی پڑھیں: رواں سال کراچی سے 1556 بچے اور بچیاں لاپتہ ہوئیں؛ رپورٹ جاری