متحدہ قومی موومنٹ (ایم کیو ایم) پاکستان کے رہنما مصطفیٰ کمال نے کہا ہے کہ ملک کو اس وقت بحران سے نکالنے کیلئے اتحاد کی ضرورت ہے۔

تفصیلات کے مطابق احتساب عدالت کے باہر میڈیا سے گفتگو کرتے ہوئے رہنما ایم کیو ایم پاکستان  نے کہا ہے کہ الیکشن اس لئے ہوتے ہیں تاکہ لوگوں کے مسائل حل ہو سکے لیکن اپنی انا کے چکر میں ملک کے ساتھ نا انصافی نہ کریں ۔

یہ بھی پڑھیں: ملک کہاں جارہا ہے کسی کو کوئی فکر نہیں، مصطفیٰ کمال

انہوں نے اپیل کی کہ اقتدار میں موجود لوگ کراچی کو اس کا حق دیں کیونکہ کراچی ترقی کرے گا تو ملک ترقی کرے گا ۔

مصطفیٰ کمال کا کہنا تھا کہ آئی ایم ایف ورلڈ بینک کی امداد صرف پاکستان کو وینٹی لیٹر پر رکھ سکتی ہے لیکن کراچی کی فلاح و بہبود کے لئے کام کریں یہ شہر 8 ہزار ارب سالانہ کما کر دے سکتا ہے ۔

انہوں نے مطالبہ کیا کہ آج حلقہ بندیاں صحیح کر لیں کل الیکشن کرا لیں تاہم بلدیاتی الیکشن لڑنا یا بائیکاٹ کرنا اس سے متعلق فیصلہ کریں گے۔

مصطفیٰ کمال کا پی ایس پی کو ایم کیو ایم میں ضم کرنے کا اعلان 

مصطفیٰ کمال نے پاک سرزمین پارٹی (پی ایس پی) کو ایم کیو ایم پاکستان میں ضم کرنے کا اعلان کردیا ہے۔

مصطفیٰ کمال کا کہنا تھا کہ کراچی کے لوگوں سے کہتا ہوں کہ ان کو امن کے ساتھ اپنے اپنے کمفرٹ زون سے باہر نکلنا پڑے گا، آپ نے دیکھ لیا کہ پی ٹی آئی کچھ نہیں کرسکی، پیپلز پارٹی 15 سالوں سے کچھ نہیں کرسکی، اس شہر کو پہلے بھی بنایا تھا دوبارہ بھی بنائیں گے۔

کراچی کی حلقہ بندیاں درست کی جائیں

ایم کیو ایم پاکستان کے رہنماؤں نے پریس کانفرنس کرتے ہوئے مطالبہ کیا کہ کراچی کی حلقہ بندیاں درست کی جائیں۔

بیرسٹر فروغ نسیم نے کراچی میں ایم کیو ایم پاکستان کے رہنماؤں فیصل سبزواری، وسیم اختر اور دیگر کے ہمراہ پریس کانفرنس کرتے ہوئے کہا کہ ہم کراچی کے حقوق کی بات کررہے ہیں۔ لوکل گورنمنٹ ایکٹ کے تحت سندھ حکومت نے حلقہ بندیاں کیں۔

فروغ نسیم نے کہا کہ ایم کیو ایم کے ووٹ بنک پر 90 ہزار کی یوسی بنائی گئی، جہاں ایم کیو ایم کا ووٹ نہیں وہاں تیس ہزارکی یوسی بنائی گئی۔ ایم کیو ایم نے حلقہ بندیوں پر دھاندلی کو چیلنج کیا۔ سپریم کورٹ نے سندھ حکومت، الیکشن کمیشن سے رجوع کرنے کو کہا۔   ہائی کورٹ میں گئے تو عدالت نے کہا کہ آپ تاخیر سے آئے۔

یہ بھی پڑھیں: موجودہ بلدیاتی نظام میں بہت خامیاں موجود ہے، مصطفیٰ کمال