Advertisement
Advertisement
Advertisement
Advertisement

الیکشن کے اعلان سے سیاسی استحکام آئے گا، علی محمد خان

Now Reading:

الیکشن کے اعلان سے سیاسی استحکام آئے گا، علی محمد خان
علی محمد خان

پاکستان تحریک انصاف (پی ٹی آئی) کے رہنما علی محمد خان نے کہا ہے کہ الیکشن کے اعلان سے سیاسی استحکام آئے گا۔

علی محمد خان نے ‘دنیا بول ہے‘ میں گفتگو کرتے ہوئے کہا کہ جب ہم نے استعفے دیے تو حکومت نے منظور نہیں کیے، کہا گیا اسمبلی میں آکر بات کریں۔

انہوں نے کہا کہ راجہ ریاض نہیں پی ٹی آئی اپوزیشن ہے۔ جب الیکشن کا ماحول بنے گا تو چیزیں نارمل ہونا شروع ہوجائیں گی، الیکشن کے اعلان سے سیاسی استحکام آئے گا۔

پی ٹی آئی رہنما نے کہا کہ ملک میں سیاسی جماعتوں کی بادشاہت ہے، قائد اعظم کسی سیاسی گھرانے سے نہیں تھے۔

Advertisement

علی محمد خان نے مزید کہا کہ سیاسی جماعتوں میں جمہوریت کا فقدان ہے، صدر مملکت نے الیکشن کمیشن کو جلد عام انتخابات کے لیے خط لکھا ہے۔

واضح رہے کہ گزشتہ روز صدر مملکت ڈاکٹر عارف علوی نے انتخابات کی تاریخ کے معاملے پر چیف الیکشن کمشنر کو خط لکھا تھا جس میں انہوں نے چیف الیکشن کمشنر پر انتخابات کی تاریخ کا فوری اعلان کرنے پر زور دیا۔

Advertisement

خط میں صدر مملکت کا کہنا تھا کہ آئین تاخیر کی اجازت نہیں دیتا ہے تاہم انتخابات کی تاریخ کا فوری اعلان کریں۔ الیکشن کمیشن الیکشن ایکٹ 2017ء کے مطابق صوبائی اسمبلیوں کے انتخابات کی تاریخ کا فوری اعلان کرے اور پنجاب اور خیبرپختونخوا کی صوبائی اسمبلیوں کے لیے انتخابی شیڈول جاری کرے۔

یہ بھی پڑھیں؛ ہمارا مقصد ایک صاف و شفاف الیکشن ہے، علی محمد خان

انہوں نے مزید کہا تھا کہ الیکشن کمیشن انتخابات کا اعلان کرے تاکہ صوبائی اور مستقبل کے عام انتخابات کے حوالے سے خطرناک قیاس آرائیوں پر مبنی پروپیگنڈے کو ختم کیا جاسکے۔

صدر مملکت نے خط میں پنجاب اور خیبر پختونخوا کی صوبائی اسمبلیوں کی تحلیل کا حوالہ دیا اور کہا کہ آئین کا آرٹیکل 224 دو اسمبلی کے انتخابات تحلیل ہونے کے 90 دن کے اندر کرانے پر زور دیتا ہے اور آئین کے مطابق انتخابات کا انعقاد ای سی پی کا بنیادی اور لازمی فرض ہے۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
بانی پی ٹی آئی سمیت سیاستدانوں پر مقدمات نہیں بننے چاہیں، مولانا فضل الرحمان
’’نظرِثانی کا حق آئین نےدیا، ججزکے آرام اورآسانی کو نہیں آئین کوترجیح دینی چاہئے‘‘
جو صحافت کی شکل میں سیاست کر رہے ہیں انکا ایجنڈا کوئی اور ہے، عظمیٰ بخاری
محکمہ موسمیات کی بارشوں کے حوالے سے بڑی پیشگوئی
پاسپورٹ بنوانے والوں کیلئے نئی مشکل کھڑی ہوگئی
شہرِ قائد کے لیے بجلی فی یونٹ 5 روپے 45 پیسے مہنگی ہونے کا امکان
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر