سابق وزیراعظم  اور چیئرمین پی ٹی آئی عمران خان نے دعویٰ کیا ہے کہ جوڈیشل کمپلیکس میں فرضی لڑائی کر کے مجھے ختم کرنا چاہتے تھے۔

سماجی رابطے کی ویب سائٹ پر اپنے ایک پیغام میں تحریک انصاف کے چیئرمین نے ہفتے کے روز عدالتی میں پیشی کے موقع پر جوڈیشل کمپلیکس کی ایک ویڈیو شیئر کی ہے۔

The scenes I was confronted with as I entered the gates of Judicial Complex. Let there be no doubt that this force along with the ‘Unknowns’ – namaloom afraad – were there not to

Advertisement

put me in jail but to eliminate me by staging a mock fight & pretending my death was an accident. pic.twitter.com/7Pt2zZLLqK

— Imran Khan (@ImranKhanPTI) March 21, 2023

ویڈیو شیئر کرتے ہوئے انہوں نے کہا ہے کہ جوڈیشل کمپلیکس کے دروازے میں داخل ہوتے ہی مجھے جن مناظر کا سامنا کرنا پڑا اس میں کوئی شک نہیں کہ فورسزکےساتھ نامعلوم افراد تھے اور ان کا مقصد مجھے جیل میں ڈالنا نہیں تھا۔

انہوں نے دعویٰ کیا ہے کہ جوڈیشل کمپلیکس  وہ مجھے فرضی لڑائی کرکے میری موت کا ڈرامہ کرکے مجھے ختم کرنا چاہتے تھے اور میری موت کو ایک حادثہ ظاہر کرتے لیکن اللہ سب سے بڑا حفاظت کرنے والے کا کچھ اورپلان تھا ۔

خیال رہے کہ گزشتہ روز عمران خان نے قوم سے خطاب کے دوران بھی دعویٰ کیا تھا کہ وہ اسلام آباد کے جوڈیشل کمپلیکس میں اپنی گاڑی سے باہر نہیں نکلے کیونکہ وہاں “نامعلوم افراد” انہیں قتل کرنے کا انتظار کر رہے تھے۔

انہوں نے مزید کہا کہ جوڈیشل کمپلیکس کے باہر 40 منٹ تک کھڑا رہا جس دوران  جوڈیشل کمپلیکس کے باہر پولیس نے شیلنگ، پتھراؤ کیا اور عدالت کے باہر نامعلوم افراد بھی کھڑے تھے ۔

انہوں نے عوام کو بتایا کہ انہیں راستے سے ہٹانے کیلئے ہر حربہ استعمال کیا جارہا ہے اور  قتل کرنے کی منصوبہ بندی بھی کی جارہی ہے لیکن مجھے موت کا کوئی خوف نہیں ہے اور نہ میں بیگز اٹھاکر ملک سے جانے والا ہوں۔