سی اے اے عملے کی بروقت کارروائی کی بدولت امریکی مسافر کے کھو جانے والے 9500 ڈالر واپس مل گئے۔
تفصیلات کے مطابق ترجمان سی اے اے کا کہنا ہے کہ انور امان اہلخانہ کے ہمراہ پرواز کیو آر 632 کے ذریعے امریکہ سے اسلام آباد پہنچے جہاں لاؤنج میں بیلٹ سے سامان کے حصول کے دوران اپنا ہینڈ پاؤچ کرسی پر بھول گئے۔
ترجمان نے بتایا کہ مسافر سامان لے کر صبح 2:30 بجے ارائیول لاؤنج سے باہر چلا گیا اور صبح 3 بجے مسافر انور ایئرپورٹ واپس آئے اور لاونج میں پاوچ تلاش کیا۔
ترجمان کا کہنا تھا کہ ہینڈ پاؤچ نہ ملنے پر مسافر نے سی سی ٹی وی فوٹیج دیکھنے کی درخواست کی جس پر اے ایس ایف کے عملے نے سی سی ٹی وی کے ذریعے معاملے کی چھان بین کی۔
ترجمان کے مطابق گمشدگی کے مقام کی سی سی ٹی وی کی کوریج نہ ہونے کی وجہ سے کچھ پتہ نہیں چل سکا تاہموزیر اعظم کے مشیر عون چوہدری نے مسافروں کی شکایت سیل میں کال کی جس کے بعد سی اے اے ویجیلنس اسسٹنٹ رب نواز نے سی سی ٹی وی کے ذریعے معاملے کی از سرنو چھان بین کی۔
سول ایوی ایشن ٹیم نے کیمروں کی مدد سے ایک ایک مسافر کو چیک کیا اور ایک فیملی کو اس سلسلے میں مشتبہ قرار دیا گیا اور اس مسافر خاتون اور دیگر اہل خانہ کا ڈیٹا اکٹھا کیا گیا۔
بعدازاں سی اے اے ٹیم کی کوششوں سے خاتون سے 9500 امریکی ڈالر پر مشتمل پاوچ برآمد کرلیا گیا اور برآمد شدہ 27 لاکھ روپے مالیت کی کرنسی اصل مالک انور امان کے حوالے کر دی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News