پی ٹی آئی کراچی کے صدر آفتاب صدیقی نے کہا ہے کہ جب تک انصاف کا بول بالا نہیں ہوجاتا ہم احتجاج کرتے رہیں گے۔
تفصیلات کے مطابق پی ٹی آئی کراچی کے صدر آفتاب صدیقی نے اپنے ایک بیان میں کہا کہ کل پنجاب میں پولیس نے بےشرمی کا مظاہرہ کیا، کل عمران خان کے نکلنے کے بعد گیدڑ اس کے گھر میں گھس گئے، منشیوں نے جس طرح حملہ کیا اس کی مزمت کرتے ہیں۔
انہوں نے کہا کہ پاکستان میں نہ آئین ہے نہ قانون ملک بنانا ریپبلک بن گیا ہے جبکہ مہنگائی کی صورتحال بھی سب کے سامنے ہے۔
ان کا کہنا تھا کہ میں کراچی کے صدور اور عہدیداران کا شکر گزار ہوں، کراچی میں دو الیکشن ہونے جارہے ہیں، عوام الیکشن میں بھرپور بلے کا ساتھ دیں۔
آفتاب صدیقی نے کہا کہ 18 اپریل کو 11 یوسیز پر الیکشن ہوگا اس روز طاق راتیں ہوں گی، انشاللہ اب 11 یوسیز کا نتائج وہ نہیں جو پہلے تھا۔
انہوں نے کہا کہ ارسلان تاج کو گھر سے اغواء کیا گیا اور پھر جب ہم نے احتجاج کیا تو معلوم ہوا کہ اسے نامعلوم افراد میں شامل کرکے مقدمہ بنایا۔
یہ بھی پڑھیں؛ کشیدہ حالات کی ذمہ دار امپورٹڈ حکومت ہوگی، آفتاب صدیقی
ان کا کہنا تھا کہ شاہنواز جدون کو گرفتار کیا، راجا اظہر کےخلاف اشتعال انگیز تقاریر پر مقدمہ کیا، گرفتار کارکن کو کہا کہ اس کا کان کاٹ دیں گے۔
آفتاب صدیقی نے کہا کہ ارسلان تاج سے اب تک صرف دو دفعہ ملاقات ہوئی ہے، کہتے ہیں سندھ حکومت کی طرف سے اجازت نہیں ہے تو سندھ حکومت کو بتادیں مقافات عمل بھی ہوتا ہے۔
انہوں نے کہا کہ کیماڑی کے 10 ورکرز کو گرفتار کیا گیا، کے پی ٹی میں کام کرنے والے ڈرائیور کو بھی گرفتار کیا جس کا کوئی تعلق نہیں ہے۔
یہ بھی پڑھیں؛ سندھ حکومت نے صوبے میں مقبوضہ کشمیر جیسے حالات بنا دیے ہیں، آفتاب صدیقی
پی ٹی آئی کراچی کے صدر آفتاب صدیقی نے مزید کہا کہ ہمارے لیڈر نے پرامن احتجاج کرنے کی پالیسی دی ہے، ہم احتجاج تب تک کریں گے جب تک انصاف کا بول بالا نہیں ہوتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News