کراچی میں دودریا کے قریب ایک خاتون کو اوباش لڑکوں کی جانب سے ہراساں کرنے کی اطلاع ملتے ہی پولیس نے کارروائی کے بعد دو موٹر سائیکل سواروں کو حراست میں لے لیا۔
تفصیلات کے مطابق پولیس نے بتایا ہے کہ کراچی میں دو دریا پرواقع ایک نجی ریسٹورنٹ کے سامنے متعدد موٹر سائیکل سوار لڑکےایک خاتون کو تنگ کر رہے تھے جس کی اطلاع ملتے ہی پولیس نے موقع پر پہنچ کر دو موٹر سائیکل سواروں کو حراست میں لیا جبکہ متعدد بائیک رائیڈر موقع سے فرار ہونے میں کامیاب ہوگئے۔
پولیس ذرائع نے بتایا کہ متاثرہ خاتون کی جانب سے 15 تھانہ ساحل میں اطلاع دی گئی تھی ، حراست میں لئے گئے دو بائیک رائڈرز کی شناخت عبد اللہ اور فردین کے نام سے ہوئی تاہم متاثرہ خاتون کےشناخت نہ کرنے پر دونوں نوجوانوں کو رہا کر دیا گیا ہے۔
ایس ایچ او ساحل نے مزید بتایا کہ حراست میں لئے گئے دونوں نوجوانوں کا یہی کہنا تھا کہ ہم ان اوباش لڑکوں کے ساتھ نہیں تھے تاہم ویڈیو میں نظر آنے والے اوباش لڑکوں کی شناخت کا عمل جاری ہے اورانھیں جلد گرفتار کر لیا جائے گا.
ایس ایچ او ساحل نے اس واقعے کے حوالے سے واضح کیا کہ متاثرہ خاتون کی جانب سے کوئی قانونی کارروائی عمل میں نہیں لائی گئی ہے.
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News