حیدرآباد میں تھانوں کی سرپرستی میں مین پوری اور گٹکے کا کھلے عام کاروبار عروج پر پہنچ گیا ہے۔
تفصیلات کے مطابق حیدرآباد میں جی او آر تھانے کے اے ایس آئی اور اہلکاروں نے مین پوری گٹکا کیبن پر نہ رکھنے کی صورت میں ایک معصوم بچے کو دھمکیاں دے دیں جس پر کیبن لگانے والے بچے کی مدد کے لئے اہلِ محلہ ایکشن میں آگئے۔
بچے نے اس حوالے سے بتایا کہ کیبن لگا کر اپنا گھر چلا رہا ہوں اور مجھے کہا جارہا ہے کہ مین پوری گٹکا رکھوں ورنہ کیبن بند کردوں، میں کیا کروں یہ کیبن بند کردوں؟
حیدرآباد کےعلاقہ مکینوں کا کہنا ہے کہ اس وقت علاقے میں پر طرف مین پوری گٹکا فروخت ہورہا ہے، ہمارے ساتھ چلیں علاقے کے باقی کیبنز اور دکانوں کو چیک کریں۔
انہوں نے مزید بتایا کہ مین پوری گٹکا فروخت کرنے کے خلاف علاقہ مکینوں کی درخواست پر جی او آر تھانے کے اے ایس آئی اور اہلکاروں نے کیبن کی تلاشی لی تاہم پولیس اہلکار کارروائی کئے بغیر ہی لوٹ گئے۔
علاقہ مکینوں نے مطالبہ کرتے ہوئے کہا کہ اس عمل کے خلاف فوری طور پر ایکشن لیا جائے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News