ملک میں ایک اور مغربی سلسلے کی آمد کی توقع ہے جس کے زیر اثر گرج چمک کے ساتھ موسلادھار بارشوں کا امکان ظاہر کردیا گیا ہے۔
اس حوالے سے محکمہ موسمیات کا کہنا ہے کہ منگل سے جمعہ تک پنجاب، اسلام آباد، خیبرپختونخوا، سندھ، بلوچستان، کشمیر اور گلگت بلتستان میں موسلادھار بارش کے ایک اور سپیل کی پیش گوئی کی ہے۔
محکمہ موسمیات نے بتایا ہے کہ آج سے نیا مغربی سلسلہ بلوچستان کے ذریعے داخل ہوگا جو کہ ملک کے بیشتر حصوں کو اپنی لپیٹ میں لے گا۔
محکمہ موسمیات کا کہنا ہے کہ آج رات سے 23 مارچ تک سندھ بھر میں بارشوں کا امکان ہے جبکہ ملک کے دیگر علاقوں میں بھی گرج چمک کے ساتھ موسلادھار بارشوں کا امکان ہے۔
محکمہ موسمیات نے بتایا ہے کہ اس دوران ژالہ باری سمیت تیز گرد آلود ہوائیں اور آندھی چلنے کا بھی امکان ہے جبکہ کراچی میں آج بھی ہلکی بارش اور تیز ہوائیں چل سکتی ہیں۔
محکمہ موسمیات کے مطابق بارشوں کا سلسلہ 24 مارچ تک جاری رہنے کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News