اسلام آباد سمیت ملک کے مختلف شہروں میں زلزلے کے شدید جھٹکے محسوس کیے گئے ہیں جس کے نتیجے میں 9 افراد جاں بحق اور درجنوں افراد زخمی ہونے کی اطلاعات موصول ہوئیں ہیں۔
تفصیلات کے مطابق دارالحکومت اسلام آباد سمیت پنجاب، خیبر پختونخوا، بلوچستان، آزاد کشمیر اور گلگت بلتستان کے مختلف شہروں میں زلزلے کے شدید جھٹکے محسوس کیے گئے ہیں۔
پشاور، لاہور، کوہاٹ، صوابی، بہاول پور، لودھراں، ڈی جی خان، میانوالی، خانیوال، ٹوبہ ٹیک سنگھ، پارا چنار اور کرک میں بھی زلزلے کے جھٹکے محسوس کیے گئے ہیں۔
علاوہ ازیں اسکردو، چلاس، ایبٹ آباد، مانسہرہ، پتوکی، میانوالی، شاہ کوٹ، کمالیہ، بورے والا ، پھولنگر، قصور، شیخوپورہ خوشاب اور اوکاڑہ میں بھی زلزلے کے جھٹکے محسوس کیے گئے ہیں۔ خوفزدہ لوگ کلمہ طیبہ کا ورد کرتے ہوئے گھرو ں سے باہر نکل آئے۔
An earthquake originated on 21-03-2023 at 21:47 PST
Mag: 6.8
Depth: 180 km
Lat: 36.51 N
Long: 70.96 E
AdvertisementEpicentre: Hindukush Region, Afghanistan.
PMD Islamabad.
— PDMAKP OFFICIAL (@PDMAKP) March 21, 2023
زلزلہ پیما مرکز کے مطابق زلزلے کی شدت 6.8 سے لے کر 7.7 تھی جب کہ مرکز افغانستان سے 90 کلومیٹر دور ہندوکش پہاڑی سلسلہ تھا۔
صوبائی ڈیزاسٹر منیجمنٹ اٹھارٹی خیبر پختونخوا کے مطابق زلزلے کی گہرائی 180 کلو میٹر زیر زمین تھی۔
Magnitude : 6.8
Epicentre: Hindukush Region, Afghanistan.#earthquake pic.twitter.com/YiBs5qaefF
— Pak Met Department محکمہ موسمیات (@pmdgov) March 21, 2023
این ڈی ایم اے کی رپورٹ
لاہور، اسلام آباد، کوئٹہ سمیت صوبائی دارالحکومت سمیت پنجاب، خیبر پختونخوا اور بلوچستان کے مختلف شہروں میں زلزلے کے شدید جھٹکے محسوس کیے گئے جس کے نتیجے میں 2 بچیوں سمیت 9 افراد جاں بحق اور درجنوں افراد کے زخمی ہونے کی اطلاعات ہیں۔
نیشنل ڈیزاسٹر مینجمنٹ اتھارٹی کی ابتدائی رپورٹ کے مطابق خیبرپختونخوا میں زلزلے سے 2 افراد جانبحق ہوئے جبکہمختلف مقامات پر 66 افراد زخمی ہوئے۔
اس کے علاوہ صوابی میں گھر کی چھت گرنے سے پانچ افراد زخمی ہوئے جبکہچترال میں گھر اور چھت اور دیوار گرنے سے دو افراد زخمی ہوئے۔
رپورٹ میں بتایا گیا کہگلگت بلتستان کے علاقے استور میں لینڈ سلائیڈنگ کے باعث راستہ بلاک ہوگیا اور اسلام آباد کے علاقے ای الیون میں خداداد ہائٹس بلڈنگ کو نقصان پہنچا ہے۔
خیبر پختونخوا ڈیزاسٹر مینجمنٹ اتھارٹی نے صوبہ میں 9 افراد کے جاں بحق ہونے کی تصدیق کی ہے جن میں 5 مرد، 2 خواتین اور 2 بچے شامل ہیں جبکہ مختلف حادثات میں 44 افراد زخمی ہوئے ہیں، صوبے بھر میں 19 گھروں کو جزوی نقصان پہنچا ہے۔
پہلا آفٹر شاک
اسلام آباد سمیت ملک کے دیگر شہروں میں زلزلے کے شدید جھٹکوں کے بعد پہلا آفٹر شاک رات 10 بج کر 43 منٹ پر ریکارڈ ہوا جس کی شدت ریکٹر اسکیل پر 3.7 ریکارڈ کی گئی ہے۔
زلزلے کے پیشِ نظر وفاقی وزیر صحت عبدالقادر پٹیل کی ہدایت پر اسلام اباد کے پولی کلینک اور پمز اسپتال میں الرٹ جاری کردیا گیا ہے۔
وزیر صحت عبدالقادر پٹیل نے عملے اور اسپتالوں کی انتظامیہ کو ہدایت جاری کی ہیں کہ کسی بھی ناگہانی صورت حال سے نمٹنے کے لیے پیشگی اقدامات کو یقینی بنایا جائے۔
وفاقی وزارت صحت این ڈی ایم اے کے ساتھ بھی رابطے میں ہیں، نیشنل ایمرجنسی ہیلتھ سروز کو بھی الرٹ جاری کردیا ہے۔
راولپنڈی کی بلڈنگز میں دراڑیں پڑگئیں
زلزلے کے بعد پی ڈی ایم اے کو 18 سے زائد اضلاع سے ابتدائی رپورٹ موصول ہوگئی ہے جس میں لاہور، ملتان، ڈی جی خان، گوجرانوالہ، چنیوٹ، تلہ گنگ، سیالکوٹ، مری، لیہ، جھنگ، رحیم یار خان، مظفر گڑھ، راجن پور، جہلم، قصور، فیصل آباد، خوشاب، سرگودھا اور چکوال شامل ہیں۔
ترجمان پی ڈی ایم اے کے مطابق ان اضلاع سے کسی جانی و مالی نقصان کی اطلاع موصول نہیں ہوئی ہے جب کہ روالپنڈی کی ہائی رائز بلڈنگز میں دراڑیں آنے کی اطلاعات موصول ہوئیں ہیں۔
ترجمان کا کہنا ہے کہ متاثرہ بلڈنگز کو خالی کروانے کے لیے ریسکیو ٹیمیں روانہ کردی گئی ہیں، پنجاب بھر کی انتظامیہ کو ہائی رائز بلڈنگز کو چیک کرنے کے بھی احکامات جاری کیے ہیں۔
ترجمان پی ڈی ایم اے کا مزید کہنا تھا کہ ہنگامی صورت حال سے نمٹنے کے لیے مشینری اور عملے کو الرٹ کردیا گیا ہے، شہری نقصانات کی اطلاع کے لیے پی ڈی ایم اے کی ہیلپ لائن 1129 پر کال کرسکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News