لاہور: پاکستان تحریک انصاف کے چیئرمین عمران خان کا جنون سر چڑھ کر بولنے لگا، بزرگ شہری نے عمران خان سے والہانہ محبت کا اظہار کیا۔

تفصیلات کے مطابق بزرگ شہری “چاچا بلا” نے بول نیوز کے سینئر اینکر سمیع ابراہیم کے ساتھ گفتگو کی اور کپتان سے محبت کے اظہار میں گانا گایا۔

خان سے بزرگ شہری کی والہانہ محبت
سریلے انداز میں خراج تحسین پیش کیا#ImranKhan #BOLNews @samiabrahim pic.twitter.com/7HmYFarDI4

— BOL Network (@BOLNETWORK) March 8, 2023

بزرگ شہری نے اپنے گانے سے شرکاء کو گرما دیا اور ساتھ ہی ن لیگی قیادت کو سریلے انداز میں تنقید کا نشانہ بھی بنایا۔

گفتگو کے دوران چاچا بلا نے عمران خان کی محبت کا  کھل کر اظہار کیا اور لوگوں کو پیغام دیا کہ گھبرانا نہیں ہے۔

واضح رہے کہ زمان پارک میں عوام کا جوش و جذبہ دیکھ کر جالب اور فیض کے زمانے کی یاد تازہ ہوگئی۔

دوسری جانب لاہور میں دفعہ 144 کی خلاف ورزی پر پی ٹی آئی کے کارکنوں کی گرفتاریوں کا عمل جاری ہے ۔

محکمہ داخلہ پنجاب کی جانب سے لاہور میں  جلسے، جلوسوں اور ریلیوں پر پابندی عائد کی گئی ہے تاہم عمران خان کی قیادت میں آج زمان پارک سے نکلنے والی ریلی میں شرکت کے لئے جمع ہونے والے کارکنان کو پولیس  کی جانب سے گرفتار کرلیا گیا ہے۔

مال روڈ انڈر پاس پر پولیس کی بھاری نفری موجود ہے جبکہ پولیس اہلکاروں کے پاس آنسو گیس کے شیل بھی موجود ہیں، اسکے علاوہ انڈر پاس پر واٹر کینن بھی پہنچادی گئی ہے۔

مال روڈ انڈر پاس کو ٹھوکر جانے والے راستے کو کنٹینرز لگا کر بند کردیا گیا ہے جس کے باعث بد ترین ٹریفک جام کی صورتحال پیدا ہوگئی ہے۔

دوسری جانب پولیس کی جانب سے لاٹھی چارج بھی شروع کردیا گیا جس کے بعد مال روڈ انڈر پاس میدان جنگ  میں تبدیل ہوگیا ہے اور کئی کارکنان زخمی بھی ہوگئے ہیں جس میں خواتین کارکنان بھی شامل ہیں۔

اس دوران کارکنان کی جانب سے پتھراؤ  بھی کیا گیا جس کے باعث درجنوں گاڑیوں کے شیشے ٹوٹ گئے۔

کینال روڈ مکمل بند ہونے کے باعث تحریک انصاف سیالکوٹ کے رہنما دلاور بیگ کی قیادت میں قافلے کو زمان پارک جانے سے روک دیا گیا ہے۔