وزیر اعظم شہباز شریف نے کہا ہے کہ آرمی چیف کے خلاف مہم ناقابل برداشت اور اداروں کے خلاف سازش کا تسلسل ہے۔
سماجی رابطے کی ویب سائٹ ٹوئٹر پر اپنے جاری کردہ بیان میں وزیر اعظم نے کہا کہ زہریلی سیاست کو بیرون ملک پاکستانیوں کے ذریعے پھیلا رہے ہیں۔
This man Niazi is stooping to unprecedented lows in his desperation for power & going to the extent of damaging the country & undermining our armed forces & their leadership. /2 https://t.co/Tt1SfhylXv
— Shehbaz Sharif (@CMShehbaz) March 20, 2023
شہباز شریف نے کہا ہے کہ عمران خان اداروں اور ان کے سربراہوں کو اپنی گندی سیاست میں گھسیٹ کر آئین شکنی کر رہے ہیں۔
وزیر اعظم نے کہا کہ بیرون ملک پاکستانی اس سازش کا حصہ نہ بنیں، بیرون ملک محب وطن پاکستانی فارن فنڈڈ مہم کے خلاف آواز بلند کریں۔
یہ بھی پڑھیں: مشکل دور سے گزررہے ہیں لیکن امید کا دامن ہاتھ سے نہیں چھوڑا، وزیراعظم
انہوں نے کہا کہ سابق چیف جسٹس ثاقب نثار اور پی ٹی آئی وکیل خواجہ طارق رحیم کی آڈیو لیک میں بیٹی مریم نواز کے بارے میں گھٹیا گفتگو انتہائی قابل مذمت ہے۔
شہباز شریف نے مزید کہا کہ خواتین کے بارے میں اس لب و لہجے اور گھٹیا سوچ کی معاشرے بالخصوص خواتین کو پر زور مذمت کرنی چاہیے، اجتماعی مذمت ہی معاشرے میں یہ منفی سوچ روک سکتی ہے۔
پی ٹی آئی رہنماؤں کا ردعمل
دوسری جانب فواد چوہدری نے وزیر اعظم شہباز شریف کے بیان پر رد عمل دیتے ہوئے کہا کہ اس بیان کا مقصد صرف عوام اور فوج کے درمیان فاصلے پیدا کرنا ہے تاکہ عوام اور فوج متحارب ہوں اور پی ڈی ایم اس آڑ میں لوٹ مار جاری رکھ سکیں۔
سابق وفاقی وزیر نے کہا کہ تحریک انصاف موجودہ آرمی چیف کیلئے نیک خواہشات رکھتی ہے، ہم چاہتے ہیں چیف الیکشن کروانے میں الیکشن کمیشن کی مدد کریں اور پاکستان کا ماحول بہتر ہو۔
یہ بھی پڑھیں: وفاق اپنے فرض کی ادائیگی نبھا رہا ہے، وزیر اعظم
بعدازاں شہباز گل نے وزیر اعظم کے بیان پر ردعمل دیتے ہوئے کہا کہ پاکستان تحریک انصاف کا اپنی افواج اور افواج کے چیف جنرل عاصم کے ساتھ باہمی احترام کا رشتہ ہے۔
پی ٹی آئی رہنما نے مزید کہا کہ شہباز شریف، ان کے دفتر میں چلنے والے اسٹریٹجک میڈیا سیل کا واحد مقصد ملک میں تناؤ اور اختلاف کا ماحول بنانا ہے تا کہ اس ماحول میں یہ اپنی کرپشن کے مقدمات پوری طرح ختم کروا کر لوٹ جاتی رکھیں۔
وزیر اعظم کے بیان سے متعلق اسد عمر نے کہا کہ آپ صرف چاہتے ہیں کہ ملک کی سب سے بڑی سیاسی پارٹی اور فوج کے درمیان خلیج بڑھے اور آپ کی سیاست چمکے، چاہے اس سے ملک کمزور ہو۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News