پی ٹی آئی نے کل کراچی میں احتجاج کا اعلان کردیا ہے۔
تفصیلات کے مطابق پی ٹی آئی سندھ کے ترجمان و رکن صوبائی اسمبلی شہزاد قریشی نے اپنے ایک اہم بیان میں کہا کہ کل شام 4 بجے میلینیم مال پر پرامن احتجاج کیا جائے گا، چیئرمین عمران خان کے گھر اور قافلے پر ریاستی دہشت گری کے خلاف کراچی اپنا احتجاج ریکارڈ کروائے گا۔
انہوں نے کہا کہ چیئرمین عمران خان کے گھر اور قافلے کو ریاستی دہشت گری کا نشانہ بنایا گیا، تاریخ میں پہلی بار دیکھا کہ عدالت میں پیش ہونے کے لیے ریاست رستہ روک رہی ہے، قانون کی پاسداری اور عدلیہ کے احترام کے جرم میں عمران خان کے قافلے پر شیلنگ کی گئی جبکہ اس طرح کے واقعات دور آمریت میں بھی نہیں دیکھے۔
یہ بھی پڑھیں؛ عمران خان کی رہائش گاہ پر پولیس ایکشن پر توہین عدالت کی درخواست دائر
ان کا کہنا تھا کہ سابق وزیر اعظم کے گھر پر دھاوا بولا گیا، مشکل وقت میں عمران خان کی ڈھال بننے والے بہادر کارکنان کو خراج تحسین پیش کرتے ہیں، آج تاریخ لکھی جا چکی ہے، پی ٹی آئی کے ٹائیگر داد کے مستحق ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News