سابق وزیراعلیٰ پنجاب پرویز الٰہی نے کہا ہے کہ ملکی سلامتی اور ترقی کیلئے عمران خان کے ہاتھ مضبوط کرنے ہونگے۔
تفصیلات کے مطابق سابق وزیر اعلیٰ پنجاب و مرکزی صدرچوہدری پرویز الٰہی سے معروف سیاسی شخصیت و آزاد امیدوار سیٹھ محبوب، سیٹھ خاور، سیٹھ الیاس، علی اشرف مغل، کی ملاقات ہوئی جنہوں پی ٹی آئی میں شمولیت کا اعلان بھی کیا۔
اس موقع پر پرویز الٰہی نے کہا کہ پی ڈی ایم سازش کے تحت عمران خان اور فوج کو لڑانا چاہتی ہے لیکن عمران خان کی محب وطنی کسی سے چھپی ہوئی نہیں ہے۔
یہ بھی پڑھیں: عمران خان کا آنے والی سیاست میں بہت اہم رول ہوگا، پرویز الٰہی
انہوں نے مزید کہا کہ فوج ہمارے ملک کی سلامتی کی علامت ہے اور ایسے ادارے کے خلاف زبان دارازی بغاوت ہے۔
ان کا کہنا تھا کہ عمران خان کو جھوٹے کیسوں میں الجھا کر الیکشن سے راہ فرار اختیار کی جا رہی ہے لیکن ملکی سلامتی اور ترقی کیلئے عمران خان کے ہاتھ مضبوط کرنے ہونگے۔
پرویز الٰہی نے کہا کہ پی ڈی ایم جو چاہتی ہے وہ کبھی نہیں ہوگا، تحریک انصاف ہر محاظ پر ان کا مقابلہ کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News