اپنی ایکسپورٹس کو بڑھانا ہمارا سب سے بڑا چیلنج ہے، احسن اقبال

ویب ڈیسک

18th Jul, 2023. 02:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپنی ایکسپورٹس کو بڑھانا ہمارا سب سے بڑا چیلنج ہے، احسن اقبال

وفاقی وزیر برائے منصوبہ بندی و ترقی احسن اقبال کا کہنا ہے کہ پاکستان کی گروتھ میں سب سے بڑی رکاوٹ توانائی کا بحران تھا، پاکستان میں 16 سے18 گھنٹے کی لوڈشیڈنگ ہوتی تھی، اپنی ایکسپورٹس کو بڑھانا ہمارا سب سے بڑا چیلنج ہے۔

احسن اقبال نے اسلام آباد میں تقریب سے خطاب کرتے ہوئے کہا کہ سی پیک خطے اور پاکستان کے لیے انتہائی اہم ہے، سی پیک میں ہم نے توانائی کے منصوبوں کو اہمیت دی، سی پیک منصوبہ معاشی ترقی کی جانب اہم قدم ہے۔

انہوں نے کہا کہ سی پیک کا اگلا مرحلہ بزنس ٹوبزنس ہے، اکنامک زون ہی پاکستان کا مستقبل ہے، اسپیشل اکنامک زون کی ناکامی صوبائی حکومتوں کے دائرہ اختیار کے باعث ہوئی۔

یہ بھی پڑھیں: چیئرمین پی ٹی آئی اپنی سیاست کے نتیجے میں ایکسپوز ہو چکے ہیں، احسن اقبال

وفاقی وزیر نے کہا کہ چینی حکومت سے درخواست کی ہے کہ ہمیں ایکسپورٹ بڑھانے کی رہنمائی کی جائے، چین سے یہ بھی کہا کہ اسپیشل اکنامک زون کو چلانے میں بھی رہنمائی کی جائے، چین نے کہا ہے ان شعبوں کے ایکسپرٹس کو پاکستان بھیجیں گے۔

احسن اقبال نے مزید کہا کہ خلیجی ممالک بھی پاکستان کے ساتھ مل کر کام کرنا چاہتے ہیں، خلیجی ممالک سے خطیر سرمایہ کاری آئی ٹی، زراعت مائننگ میں آئے گی۔