گورنر سندھ کامران خان ٹیسوری نے کہا ہے کہ چیف آف آرمی اسٹاف کی پالیسیوں کے مطابق ہم ترقی کی راہ پر گامزن ہیں۔

تفصیلات کے مطابق گورنر سندھ کامران خان ٹیسوری نے میڈیا سے گفتگو کرتے ہوئے کہا کہ دل کی عطإ گہرائیوں سے پوری قوم کو یوم آزادی مبارک ہو، چہتر 76 سال پہلے ہمارے آبائو اجداد نے قربانیاں دے کر ملک حاصل کیا تھا اور ہم آج تک قربانیاں دے رہے ہیں۔

گورنر سندھ نے کہا کہ شہدا کی فیملی اور قیام پاکستان اور تعمیر پاکستان میں حصہ لینے والوں کو سلام پیش کرتا ہوں، سوچنا چاہیے کہ بابائے قوم کے فرمان پر ہم عمل کر رہے ہیں یا نہیں، قوم فرقوں اور مذاہبِ سے بالاتر ہو کر ہمیں سوچنا چاہیے۔

کامران ٹیسوری نے کہا کہ ہمیں سوچنا چاہیے 76 سال بعد بھی ہم نے قوم کو کہاں پہنچایا ہے، امید اور یقین کے ساتھ کہ آئندہ کا سفر ہم ایک قوم بن کر طے کریں گے۔

ان کا کہنا تھا کہ 60 سے 65 فیصد یوتھ ہیں، سب کچھ اچھے بن چکے لیکن اچھے پاکستانی نہیں بنے، قوم کے لئے اچھی نوید ہے کہ ہم آگے بڑھنے جا رہے ہیں، چیف آف آرمی اسٹاف حافظ عاصم منیر کی پالیسیوں سے یوں لگتا ہے کہ اب ہم ترقی کی راہ پر گامزن ہیں، نگران وزیر اعظم کو بھی آذادی کی مبارکباد پیش کرتا ہوں۔

انہوں نے مزید کہا کہ صحافی جان محمد مہر کے قتل پر مقتول کی فیملی سے اظہار افسوس کرتا ہوں، ملوث افراد کے خلاف سخت سے سخت کارروائی ہو گی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں