متحدہ قومی موومنٹ (ایم کیو ایم) کراچی میں تیسرا جلسہ کرنے کے لیے تیار ہے۔

تفصیلات کے مطابق ایم کیو ایم اپنا تیسرا جلسہ اتوار کے روز لیاقت آباد میں کرے گی۔

ایم کیو ایم عام انتخابات کے لیے کراچی کے 29 ٹاؤن میں جلسے کرے گی۔

واضح رہے کہ ایم کیو ایم نے پہلا جلسہ ملیر جبکہ دوسرا جلسہ اورنگی ٹاؤن میں کیا تھا۔

واضح رہے کہ ملک میں عام انتخابات کی تیاریاں جاری ہیں، تاہم اس حوالے سے 21 ستمبر 2023 کو الیکشن کمیشن آف پاکستان نے اہم اعلان کرتے ہوئے کہا تھا کہ ملک میں عام انتخابات جنوری 2024 کے آخری ہفتے میں کرادیے جائیں گے۔

الیکشن کمیشن کی جانب سے جاری کردہ اعلامیے کے مطابق آج الیکشن کمیشن نے حلقہ بندیوں کے کام کا جائز ہ لیا اور فیصلہ کیا کہ حلقہ بندیوں کی ابتدائی فہرست 27 ستمبر 2023 کو شائع کر دی جائے گی۔