مسلم لیگ ن کے قائد میاں نواز شریف کی وطن واپسی سے قبل جلسوں کا آغازکر دیا گیا ہے۔

تفصیلات کے مطابق مسلم لیگ (ن) نے اپنے قائد نواز شریف کی پاکستان واپسی سے قبل لاہور کے مختلف حلقوں میں جلسوں کا انعقاد کیا ہے، تمام جلسوں سے پارٹی کی چیف آرگنائزر مریم نواز اور نائب صدر حمزہ شہباز سمیت دیگر سینیر قیادت خطاب کرے گی۔

ذرائع کے مطابق مسلم لیگ ن کا پہلا جلسہ آج این اے 123 شاہدرہ میں کیا جائے گا۔ مسلم لیگ ن کی چیف آرگنائزر مریم نواز شام 6 بجے جلسے سے خطاب کریں گی۔

شاہدرہ کی گلیوں ، بازاروں اورجلسہ گاہ میں پارٹی پرچم  لگا دئیے گئے ہیں۔

لاہور بھر کے دیگر قومی اسمبلی کے حلقوں میں بھی جلسوں کا انعقاد کیا جائے گا، خواجہ سعد رفیق اور سردار ایاز صادق کے حلقوں میں بھی جلسے منعقد ہوں گے۔

یہ بھی پڑھیں: نواز شریف کا اصل ایجنڈا عوام کو ریلیف دینا ہے، شہبازشریف