سابق چیف جسٹس آف پاکستان ثاقب نثار کے گھر پر گرنیڈ حملہ ہوا ہے۔

 تفصیلات کے مطابق سابق چیف جسٹس آف پاکستان ثاقب نثار کے گھر پر گرنیڈ حملہ ہوا ہے،دھماکے کے وقت ثاقب نثار گھر پر موجود تھے، واقعے کی اطلاع ملتے ہی پولیس سابق چیف جسٹس کے گھر پہنچ گئی ہے۔

سابق چیف جسٹس آف پاکستان ثاقب نثار کی رہائش گاہ پر دھماکے میں پولیس کے دو جوان زخمی ہوئے ہیں۔

سابق چیف جسٹس کی بول نیوز سے خصوصی گفتگو 

  دھماکے کے بعد سابق چیف جسٹس آف پاکستان ثاقب نثار نے دھماکے کی تصدیق کی اور بول نیوز سے خصوصی گفتگو کرتے ہوئے کہا کہ میرے گھر پر گرنیڈ سے حملہ ہوا ہے، میں اور اہل خانہ محفوظ ہیں۔

سابق چیف جسٹس ثاقب نثار کے گھر پر حملہ#BOLNews #MianSaqibNisar pic.twitter.com/ARI2TGmGOw

— BOL Network (@BOLNETWORK) December 20, 2023

دھماکے میں پولیس کے دو جوان زخمی

ترجمان پنجاب پولیس کا کہنا ہے کہ سابق چیف جسٹس آف پاکستان ثاقب نثار کی رہائش گاہ پر دھماکے میں سابق چیف جسٹس کے اہل خانہ مکمل طور پر محفوظ ہیں جبکہ پولیس کانسٹیبل عامر اور کانسٹیبل خرم معمولی زخمی ہوئے ہیں،عامر کی عمر 28 ، خرم شہزاد کی عمر 40 سال ہے۔

آئی جی پنجاب ڈاکٹر عثمان انور کا واقعے کا نوٹس

آئی جی پنجاب ڈاکٹر عثمان انور نے واقعے کا نوٹس لیتے ہوئے سی سی پی او لاہور سے رپورٹ طلب کرلی ہے اور دھماکے میں زخمی پولیس اہلکاروں کو علاج معالجے کی بہترین سہولیات کی فراہمی کی ہدایت دیتے ہوئے واقعے کی تمام پہلوؤں سے تحقیقات کا حکم دے دیا ہے۔

سی سی پی او لاہور بلال صدیق کمیانہ، ڈی آئی جی آپریشنز لاہور،  ایس ایس پی آپریشنز سمیت سینئر پولیس افسران موقع پر موجود ہیں۔