سائفر کیس میں بڑی پیشرفت؛ 3 اہم گواہوں کے بیان قلمبند

ویب ڈیسک

23rd Dec, 2023. 08:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائفر کیس میں بڑی پیشرفت؛ 3 اہم گواہوں کے بیان قلمبند

بانی پی ٹی آئی اور سابق وزیر خارجہ شاہ محمود قریشی کیخلاف سائفر کیس کے اہم گواہوں اعظم خان، سہیل محمود اور اسد مجید نے اپنے بیان قلم بند کروا دئیے ہیں۔

تفصیلات کے مطابق جج ابوالحسنات ذوالقرنین نے بانی پی ٹی آئی اور سابق وزیر خارجہ شاہ محمود قریشی کے خلاف سائفر کیس کی سماعت کی، سابق چیئرمین پی ٹی آئی کی اہلیہ، بہنیں اور شاہ محمود قریشی کے اہلخانہ کمرہ عدالت میں موجود رہے، کورٹ روم میں میڈیا نمائندے بھی موجود تھے۔

اڈیالہ جیل میں گواہوں کی شہادتیں قلمبند کرنے کا سلسلہ جاری رہا، اعظم خان، اسد مجید، سہیل محمود، آفتاب احمد خان، سیکرٹری وزارت داخلہ، حسیب گوہر (پرائم مینسٹر آفس)، محمد اشفاق (کیبینیٹ ڈویژن) اور ہدایت اللہ نے اپنا بیان قلمبند کروا دیا۔ ⁠

یاد رہے گزشتہ روز سپریم کورٹ نے سائفر کیس میں بانی پی ٹی آئی اور شاہ محمود قریشی کی ضمانت کا چار صفحات پر مشتمل تحریری فیصلہ جاری کیا جبکہ جسٹس اطہر من اللہ نے فیصلے سے اتفاق کرتے ہوئے پانچ صفحات پر مشتمل علیحدہ نوٹ بھی لکھا۔