ہم ایک بڑا اتحاد اور بڑی تحریک قائم کرنے جا رہے ہیں، ڈاکٹر فاروق ستار

ویب ڈیسک

09th Dec, 2023. 05:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم ایک بڑا اتحاد اور بڑی تحریک قائم کرنے جا رہے ہیں، ڈاکٹر فاروق ستار

ایم کیو ایم پاکستان کے سینئر ڈپٹی کنوینر ڈاکٹر فاروق ستار نے کہا ہے کہ ہم ایک بڑا اتحاد اور بڑی تحریک قائم کرنے جا رہے ہیں۔

تفصیلات کے مطابق ڈاکٹر فاروق ستار نے اپنے جاری کردہ ایک بیان میں کہا کہ ایم کیو ایم کا وفد ثروت اعجاز قادری بھائی کے پاس آیا ہے، ہم ایک بڑا اتحاد اور بڑی تحریک قائم کرنے جا رہے ہیں۔

انہوں نے کہا کہ اس شہر پر موروثی سیاست کے ذریعے قبضہ کرنے والوں کا خاتمہ کریں گے، آگے کے لیے ایک مشترکہ حکمت عملی وضع کرنے کے لیے آئیں ہیں۔

ان کا کہنا تھا کہ بے روزگاری میں تیزی سے اضافہ ہو رہا ہے، مہنگائی ساتوے آسمان کی حد سے تجاوز کر چکی ہے۔

ڈاکٹر فاروق ستار نے کہا کہ کراچی چلتا ہے تو پورا پاکستان چلتا ہے، چار ہزار ارب کا ٹیکس کراچی دیتا ہے چالیس ارب کی خیرات ملتی ہے۔

انہوں نے کہا کہ ہم نے اپنے آئینی ترمیمی بل سے متعلق یہاں ثروت بھائی کو آگاہ کیا ہے، بلدیاتی اداروں اور مقامی حکومتوں کو بھی وسائل ملنے چاہئیں۔

ان کا مزید کہنا تھا کہ ہم دو دو اراکین کی کمیٹی بنائیں گے جو آپس میں رابطے رکھیں گے۔