سیالکوٹ کے گاؤں گھمٹالہ میں آزاد امید وار اور ن لیگ کے کارکنوں کے درمیان جھگڑاہوا اور بات ہاتھا پائی تک پہنچ گئی۔

تفصیلات کے مطابق سیالکوٹ کے گاؤں گھمٹالہ میں این اے 70 کے پولنگ اسٹیشن پریہ جھگڑا اس وقت شروع ہوا جب آزاد امید وار کے حامیوں نے ن لیگ کے کارکنوں پر حملہ کردیا اس کے بعد دونوں کارکنان گتھم گتھا ہوگئے اوریہ جھگڑا شدید تر ہوگیا۔

جس کی وجہ سے وہاں پولنگ کا عمل سست ہوگیا اور لوگوں کواپنا ووٹ دینے کے لیے انتظار کرنا پڑا۔

ایسی صورت حال سے نمٹنے کے لیے تمام ہی سیاسی جماعتوں کوچاہئے کہ وہ اپنے کارکنان کی اس حوالے سے تربیت کریں کہ معاملہ  کوئی بھی ہو صبر کا دامن ہاتھ سے نہ چھوڑیں۔

                                                         واضح رہے کہ پاکستان  بھر میں عام انتخابات 2024 کے لیے پولنگ کا عمل جاری ہے۔

تفصیلات کے مطابق ملک بھر میں پولنگ کا عمل بغیر کسی وقفے کے صبح 8 بجے سے شام 5 بجے تک جاری رہے گا۔

قومی اور چاروں صوبائی اسمبلیوں کے 855 حلقوں کیلئے 12 کروڑ 79 لاکھ سے زیادہ رجسٹرڈ ووٹرز اپنا حق رائے دہی استعمال کررہی ہے۔

ان انتخابات میں  ملک کی انتخابی تاریخ میں سب سے زیادہ امیدوار حصہ لے رہے ہیں جن کی تعداد 17 ہزار  سے زائد ہے جن میں 11 ہزار سے زائد آزاد امیدوار ہیں۔

ملک بھر کے مختلف پولنگ اسٹیشنز پر سیکیورٹی کے سخت انتظامات  کیے گئے ہیں۔  90 ہزار 675 میں سے 46 ہزار 65 پولنگ اسٹیشنز کو حساس  و انتہائی حساس قرار دیا  گیا ہے ۔