محکمہ صحت  پنجاب کا کرپٹ مافیا کے خلاف آپریشن تیزی سے جاری ہے۔

تفصیلات کے مطابق محکمہ صحت پنجاب نے سرکاری اسپتالوں میں کرپٹ ملازمین کی ایک اور فہرست تیار کرلی ہے، پی آئی سی کے نائب اسد اعجاز کا نام بھی فہرست میں شامل ہے۔

اسپتال ذرائع کے مطابق اسد اعجاز پی آئی سی میں پرچیز افسر کے فرائض سر انجام دے رہےتھے، نائب قاصد اسد اعجازماڈل فارمیسی میں تبادلے کے باوجود پی آئی سی میں ہی بطور پرچیز آفیسر کام جاری رکھے ہوئے ہیں۔

ذرائع کے مطابق اسد اعجاز پر مالی بدعنوانی کے سنگین الزامات ہیں، سال 2023-24میں اسد اعجاز نے اپنی ہی کمپنیوں کو 200 سے زائد کوٹیشنز دلوائی۔

محکمہ صحت آئندہ چوبیس گھنٹوں کے دوران 8 سے 10 کرپٹ ملازمین کو معطل کر کے پیڈا ایکٹ کے تحت کارروائی کرے گا۔