تمام حلقوں میں پُرامن طریقے سے پولنگ جاری ہے، ترجمان الیکشن کمیشن

فہد

21st Apr, 2024. 12:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تمام حلقوں میں پُرامن طریقے سے پولنگ جاری ہے، ترجمان الیکشن کمیشن

اسلام آباد: الیکشن کمیشن آف پاکستان (ای سی پی) کے ترجمان ہارون شنواری نے کہا ہے کہ ضمنی انتخابات کے لئے تمام حلقوں میں پُرامن طریقے سے پولنگ جاری ہے۔

21 حلقوں میں ضمنی انتخابات سے متعلق ڈی جی مانیٹرنگ کنٹرول روم ہارون شنواری نے اپنے جاری کردہ بیان میں کہا ہے کہ تمام حلقوں میں پولنگ کا عمل پرامن طریقے سے جاری ہے، تاحال کوئی شکایت کنڑول روم کو موصول نہیں ہوئی ہے۔

انہوں نے کہا کہ سینٹر میں ووٹرز کی رابطہ کرنے اور اپنی شکایات درج کرانے کی سہولت موجود ہے، شکایت کے بروقت ازالہ کے لیے فوری طور پر کارروائی کی جائے گی۔

ہارون شنواری نے کہا کہ الیکشن کمیشن کے صوبائی، ڈویژنل اور ضلعی سطح پر کنٹرول رومز کام کر رہے ہیں، عوام ضمنی انتخابات کے سلسلے میں شکایات کے اندراج کے لیے سینٹر کے عملے سے رابطہ کر سکتے ہیں۔

ترجمان الیکشن کمیشن نے مزید کہا کہ مخصوص ہیلپ لائن 051111327000 پر بھی شکایت اندراج کیا جا سکتا ہے، کنٹرول روم پولنگ کے دن اور نتائج کے موصول ہونے تک چوبیس گھنٹے کام کرے گا، ای امیل اور فیکس نمبر0519204404 کے ذریعے بھی شکایات بھیجی جا سکتی ہیں۔